Note : This story was originally published by ‘The quint’ and Translated by ‘News7 Tamil’ as part of the Shakti Collective.
‘யமுனா நதியை சுத்தம் செய்வதால் தனக்கு வாக்குகள் கிடைக்காது’ என அரவிந்த் கெஜ்ரிவால் கூறினாரா?
01:59 PM Jan 18, 2025 IST | Web Editor
Advertisement
This News Fact Checked by ‘The quint’
Advertisement
யமுனை நதி குறித்த அரவிந்த் கெஜ்ரிவாலின் கருத்துகள் குறித்த வீடியோ சமூக வலைதளங்களில் டெல்லி பாஜகவால் பகிரப்படுகிறது. இதுகுறித்த உண்மை சரிபார்ப்பை காணலாம்.
யமுனை நதியை சுத்தப்படுத்தினால் தேர்தலில் வெற்றி பெறுவோம் என குப்தா கூறியதற்கு கெஜ்ரிவால் அந்த வீடியோவில் பதிலளித்துள்ளார்.
அதற்கு பதிலளித்த கெஜ்ரிவால், “பிரகர், இப்போது நான் அரசியலை கொஞ்சம் கொஞ்சமாக புரிந்துகொள்ள ஆரம்பித்துவிட்டேன். யமுனா நதியை சுத்தம் செய்வது எனக்கு வாக்குகளை கொண்டுவராது. ஆனாலும் யமுனையை சுத்தம் செய்வேன். ஏனென்றால் நான் இங்கு வாக்குக்காக அரசியல் செய்ய வரவில்லை. அவர்கள் ஏற்கனவே வாக்கு அரசியல் செய்து வந்தனர். அவர்கள் பணத்திலிருந்து அதிகாரத்தையும், அதிகாரத்திலிருந்து பணத்தையும் பெறுகிறார்கள். நான் பள்ளிகளை நிறுவும்போது, இந்தச் செயலால் எனக்கு வாக்குகள் கிடைக்குமா, கிடைக்காதா என்று பார்ப்பதில்லை. நான் மருத்துவமனைகளை கட்டும்போது, இதனால் எனக்கு வாக்கு கிடைக்குமா, கிடைக்காதா என்று பார்ப்பதில்லை. நான் வேலைக்கு வந்ததால் வேலை செய்கிறேன், வேலை செய்வதில் மகிழ்ச்சி அடைகிறேன். நாட்டுக்காகவும், நாட்டு மக்களுக்காகவும் உழைக்கிறேன். நம் நாடு முன்னேறும்போது நான் நன்றாக உணர்கிறேன், நிம்மதியாக இருக்கிறேன்.” என தெரிவித்தார்.
முடிவு:
யமுனை நதியை தூய்மைப்படுத்துவது மற்றும் டெல்லியில் வாக்குகளைப் பெறுவது குறித்து அரவிந்த் கெஜ்ரிவால் பேசும் எடிட் செய்யப்பட்ட வீடியோவை டெல்லி பாஜக பகிர்ந்துள்ளது.
