நடிகர் பங்கஜ் திரிபாதி பாஜகவிற்கு எதிரான பிரசாரத்தில் ஈடுபட்டாரா? உண்மை என்ன?

This news Fact Checked by ‘India Today’

நடிகர் பங்கஜ் திரிபாதி பாஜகவிற்கு எதிராக பிரசாரத்தில் ஈடுபடும் வீடியோ ஒன்று வைரலாகி வருகிறது. இதுகுறித்த உண்மை சரிபார்ப்பை காணலாம்.

பிப்ரவரி 2025 இல் டெல்லியில் சட்டமன்றத் தேர்தலுக்கு அரசியல் கட்சிகள் தயாராகி வரும் நிலையில், ஆம் ஆத்மி கட்சி டிசம்பர் 5 அன்று நடிகர் பங்கஜ் திரிபாதி பாஜகவிற்காக எதிராக பிரசாரம் செய்யும் வீடியோவைப் பகிர்ந்துள்ளது. இந்த பதிவு நீக்கப்பட்டாலும், அதன் காப்பகத்தை இங்கே பார்க்கலாம்.

வீடியோவில் வேர்க்கடலை விற்பனையாளராக நடித்த திரிபாதி, “நான் வேர்க்கடலை விற்கிறேன், என் மூளையை அல்ல. பாஜக அனுப்பிய இந்த செய்தியை பாருங்கள். அதில், 'எங்களுக்கு வாக்களியுங்கள், வளர்ச்சியை கொண்டு வருவோம்' என, கூறப்பட்டுள்ளது. எனக்கு எதுவும் தெரியாது என்று நினைக்கிறீர்களா? இங்கே நான் அவர்களுக்கு வாக்களிப்பேன். அரசாங்க பணம் அங்கே மறைந்துவிடும். நான் கடலை விற்பவன், முட்டாள் அல்ல. பாஜக உங்களைத் தூண்டினால், 'நான் ஒரு முட்டாள் அல்ல' என்று சொல்லுங்கள்.” என தெரிவிக்கும்படி அமைந்துள்ளது.

ஆம் ஆத்மி ராஜஸ்தான் மற்றும் ஆம் ஆத்மி சீலம்பூரின் அதிகாரப்பூர்வ சமூக ஊடக கணக்குகள் மற்றும் பலர் இந்த வீடியோவைப் பகிர்ந்துள்ளனர்.

இந்தியா டுடே உண்மைச் சோதனையில் வீடியோ எடிட் செய்யப்பட்டிருப்பது கண்டறியப்பட்டது. அசல் வீடியோ பொது சேவை அறிவிப்பு மற்றும் பங்கஜ் திரிபாதி UPI மோசடிகளைப் பற்றி பேசுகிறார் - BJP பற்றி அல்ல.

உண்மை சரிபார்ப்பு:

வைரலான வீடியோவை தலைகீழ் படத்தேடல் நடத்தும்போது, கீஃப்ரேம்கள் செப்டம்பர் 23 தேதியிட்ட Facebook பதிவுக்கு அழைத்துச் சென்றது. இந்த பதிவில் உள்ள வீடியோவும் அதே போல் தோன்றியது. ஆனால் அதில் குறிப்பிடத்தக்க சில வேறுபாடுகள் இருந்தன. இந்த பதிப்பில், திரிபாதி UPI மோசடி பற்றி பேசி இருந்தார். அந்த வீடியோவில் அவர் பாஜகவை குறிப்பிடவில்லை.

மேலும், இந்த வீடியோவில், திரிபாதி தனது தொலைபேசி திரையைக் காட்டும்போது, ​​சாதனத்தில் உள்ள புகைப்படம் “வின்னர். வாழ்த்துக்கள்! நீங்கள் ரூ.25,00,000 லாட்டரியை வென்றுள்ளீர்கள்! உங்கள் பரிசைப் பெற, இங்கே கிளிக் செய்யவும், அதைத் தொடர்ந்து ஒரு ஹைப்பர்லிங்க். வைரலான கிளிப்பில், இதற்கு பதிலாக பாஜகவின் சின்னம் மற்றும் “பாஜகவுக்கு வாக்களியுங்கள்” என்ற வாசகம் இடம் பெற்றுள்ளது. இரண்டிற்கும் இடையிலான ஒப்பீட்டை இங்கே காணலாம்.

நவம்பர் 2023 இல், நேஷனல் பேமெண்ட்ஸ் கார்ப்பரேஷன் ஆஃப் இந்தியா அல்லது NPCI நடிகர் பங்கஜ் திரிபாதியுடன் தனது ஒத்துழைப்பை அறிவித்து, அவரை அதன் "UPI பாதுகாப்பு தூதராக" நியமித்தது. இந்த ஆண்டு செப்டம்பரில், இந்திய உடனடி கட்டண முறையான யுனிஃபைட் பேமெண்ட்ஸ் இன்டர்ஃபேஸ் அல்லது UPI ஆனது “மெயின் மூர்க் நஹி ஹூன்” என்ற விளம்பரப் பிரச்சாரத்தை வெளியிட்டது. அதில் திரிபாதி ஒரு மோசடியான லாட்டரி செய்தியைப் பெற்ற கடலை விற்பனையாளராகக் காட்டப்படுகிறார். டிஜிட்டல் பேமெண்ட் சேவைகள் தொடர்பான மோசடிகள் குறித்த விழிப்புணர்வை ஏற்படுத்துவதற்காக இது உருவாக்கப்பட்டது.

நவம்பர் 6 தேதியிட்ட NPCI செய்திக்குறிப்பில் பொதுத்துறை நிறுவனம் UPI பாதுகாப்பு விழிப்புணர்வு பிரசாரத்தை தொடங்கியுள்ளது. ஒகில்வியின் கருத்தாக்கமான பிரசாரமானது திரிபாதியை ஆறு விளம்பரத் திரைப்படங்களின் தொடரில் இடம்பெறச் செய்யும், இது மோசடி செய்பவர்கள் பயன்படுத்தும் பொதுவான தந்திரங்களை எடுத்துக்காட்டுகிறது.

தற்போதைய நிலவரப்படி, பங்கஜ் திரிபாதி கடலை விற்பவர், வெற்றிலை விற்பவர் மற்றும் வணிக நிர்வாகி போன்ற மூன்று விளம்பரங்கள் வெளியாகியுள்ளன. இந்தியா டுடே ஃபேக்ட் செக் வைரலான வீடியோ தொடர்பான கருத்துக்காக பங்கஜ் திரிபாதியின் PR குழுவை அணுகியது. பதில் கிடைத்தவுடன் கதை புதுப்பிக்கப்படும்.

முடிவு:

இதன்மூலம், பங்கஜ் திரிபாதி பாஜகவுக்கு எதிராக பிரச்சாரம் செய்வதாக வீடியோ எடிட் செய்யப்பட்டது தெளிவாகிறது.

Note : This story was originally published by ‘India Today’ and translated by ‘News7 Tamil’ as part of the Shakti Collective.