தேர்தலில் தோல்வியடைந்ததால் நடிகை நவ்நீத் ராணா அழுததாக வைரலாகும் பதிவு உண்மையா?

This news fact checked by Newschecker

மக்களவைத் தேர்தலில் அமராவதி தொகுதியில் பாஜக சார்பில் போட்டியிட்டு தோல்வியடைந்ததால் நடிகை நவ்நீத் ராணா கதறி அழுவதாக சமூக வலைதளங்களில் வைரலாகும் வீடியோ பழையது என கண்டறியப்பட்டுள்ளது.

தமிழில் விஜயகாந்த் நடித்த 'அரசாங்கம்' படத்தில் அறிமுகமானவர் நவ்நீத் ராணா. அதன்பின் கருணாஸ்-க்கு ஜோடியாக 'அம்பாசமுத்திரம் அம்பானி' படத்தில் நடித்தார். தெலுங்கு, கன்னடம்,  ஹிந்தி,  மலையாளம்,  பஞ்சாபி ஆகிய மொழிகளிலும் இவர் நடித்துள்ளார்.

இவர் 2014-ம் ஆண்டு நடைபெற்ற மக்களவைத் தேர்தலில் காங்கிரஸ் சார்பில் போட்டியிட்டு தோற்றார். தொடர்ந்து, 2019-ம் ஆண்டு நடைபெற்ற மக்களவைத் தேர்தலில் மகாராஷ்டிரா மாநிலம் அமராவதி தொகுதியில் சுயேச்சையாகப் போட்டியிட்டு வெற்றி பெற்றார். இவர் கடந்த மார்ச் மாதம் பாஜகவில் இணைந்தார். அவருக்கு அதே அமராவதி தொகுதியில் போட்டியிட வாய்ப்பு அளிக்கப்பட்டது.

நவ்நீத் ராணா தேர்தல் பிரசாரத்தில் ஈடுபட்டிருந்த போது, “காங்கிரஸ்க்கு வாக்களித்தால், பாகிஸ்தானுக்கு வாக்களித்தது போல” என்று பேசினார். அது கடும் சர்ச்சையை ஏற்படுத்தியது. மேலும், கடந்த முறை சுயேச்சையாக வெற்றி பெற்ற அமராவதி தொகுதியில் இந்த முறை காங்கிரஸ் வேட்பாளரிடம் சுமார் 19 ஆயிரம் வாக்குகள் வித்தியாசத்தில் தோல்வியடைந்தார்.

மக்களவைத் தேர்தலில் தோல்வியடைந்ததால், நவ்நீத் ராணா கதறி அழுவதாக சமூக வலைதளங்களில் வீடியோ ஒன்று வைரலாகி வருகிறது. அந்த வீடியோவில், “நவநீத் ராணா தேர்தல் பிரசாரத்தின் போது மசூதி மீது அம்பு எறிந்தார். இப்போது அழுகிறார். கர்மா எப்பொழுதும் திருப்பி தாக்குகிறது” இவ்வாறு தலைப்பிடப்பட்டிருந்தது.

Navneet Rana was throwing arrow at the mosque while campaigning.

Crying now.

Karma always strikes back. pic.twitter.com/hAuTiWmVo1

— Nehr_who? (@Nher_who) June 4, 2024