'கெஜ்ரிவால் கட்டிய பள்ளியில் பிரதமர் மோடி' என வைரலாகும் வீடியோ - உண்மை என்ன?

This News Fact Checked by ‘Boom’

பிரதமர் நரேந்திர மோடி பள்ளி மாணவர்களுடன் உரையாடும் பழைய வீடியோ சமூக வலைதளங்களில் வைரலாகி வருகிறது. டெல்லியில் அரவிந்த் கெஜ்ரிவால் கட்டிய பள்ளியின் வீடியோ என்று பயனர்கள் பிரதமர் மோடியை கிண்டல் செய்து வருகின்றனர். இந்த வீடியோ உ.பி., வாரணாசியில் இருந்து எடுக்கப்பட்டது என்பதை BOOM கண்டறிந்துள்ளது. பிரதமர் மோடி 2023 டிசம்பரில் தனது நாடாளுமன்றத் தொகுதிக்கு இரண்டு நாள் பயணம் மேற்கொண்டார். இதன் போது வாரணாசியில் உள்ள கட்டிங் மெமோரியல் இன்டர் கல்லூரியில் விகாஸ் பாரத் சங்கல்ப் யாத்ரா கண்காட்சியை பார்வையிட்டார். இதன் பின்னர் பிரதமர் பிரதமர் மோடி நந்த் கரில் மாதிரி பள்ளி குழந்தைகளை  சந்தித்தார்.

டெல்லி சட்டமன்றத் தேர்தலுக்கான வாக்குப்பதிவு பிப்ரவரி 5-ஆம் தேதி நடத்தப்பட்டு முடிவுகள் பிப்ரவரி 8-ஆம் தேதி அறிவிக்கப்பட உள்ளது. இந்த நிலையில் வைரலாக பரவும் வீடியோவை ஃபேஸ்புக்கில் பகிர்ந்த ஒரு பயனர் ’கெஜ்ரிவால் கட்டிய பள்ளிகளில் ரீல் செய்யச் சென்ற நான்காவது நபர் தோல்வியடைந்தார். உ.பி.யின் பள்ளிகளில் எப்போதாவது ஒரு ரீல் செய்து பாருங்கள், உண்மை உங்களுக்குத் தெரியும். இந்த குழந்தைகள் இந்த ரீல்ஸ் செய்ய வந்தவரை விட புத்திசாலிகள். அந்த குழந்தைகளுக்கு எதையும் விளக்க வேண்டிய அவசியமில்லை.” என பதிவிட்டிருந்தார்.

केजरीवाल के बनाये गए स्कूलों मे रील बनाने गया है चौथी फ़ैल 😂😂

कभी up के स्कूलों मे भी रील बना लो हकीकत पता चल जायेगा

वैसे ये बच्चे खुद इस चौथी फैल से तो ज्यादा होशियार है।
बच्चों कों समझाने की जरुरत नहीं है। @ArvindKejriwal pic.twitter.com/Eg7fOVUJyx

— दिव्या कुमारी (@divyakumaari) January 9, 2025

உண்மை சரிபார்ப்பு :

வைரலான வீடியோவை சரிபார்க்க, வைரல் வீடியோ தொடர்பான முக்கிய வார்த்தைகளுடன் Google இல் தேடியது. இந்த வீடியோவை பிரதமர் மோடியின் ஃபேஸ்புக் கணக்கு மற்றும் பல ஊடகங்களில் பார்த்தோம். இந்த வீடியோ டிசம்பர் 2023, பிரதமர் மோடி இரண்டு நாள் பயணமாக வாரணாசி வந்தபோது எடுக்கப்பட்டது. ஆஜ் தக் அறிக்கையின்படி , இந்த காலகட்டத்தில், பிரதமர் மோடி தனது நாடாளுமன்றத் தொகுதியான வாரணாசி மற்றும் அதைச் சுற்றியுள்ள பகுதிகளின் வளர்ச்சிக்காக சுமார் 19,000 கோடி ரூபாய் செலவில் பல்வேறு வளர்ச்சித் திட்டங்களுக்கு அடிக்கல் நாட்டினார் என குறிப்பிட்டிருந்தது.

வாரணாசி மாவட்டத்தில் உள்ள கட்டிங் மெமோரியல் இன்டர் காலேஜ் மைதானத்தில் ஏற்பாடு செய்யப்பட்டிருந்த விகாஸ் பாரத் சங்கல்ப் யாத்ரா கண்காட்சியை பிரதமர் மோடி பார்வையிட்டார் . கண்காட்சியில் சேர்க்கப்பட்டுள்ள நந்த் கர் மாதிரியில் குழந்தைகளை பிரதமர் மோடி சந்தித்தார். வாரணாசியில் ஒருங்கிணைந்த குழந்தைகள் மேம்பாட்டுத் திட்டத்தின் (ஐசிடிஎஸ்) கீழ் நந்த்கர் திட்டம் முன்வைக்கப்பட்டுள்ளது , இது குழந்தைகள் மற்றும் பெண்களுக்கு அதிகாரமளிப்பதற்கான ஒரு முக்கிய முயற்சியாகும்.

இந்தத் திட்டத்தின் கீழ், வேதாந்தா குழுமம் மற்றும் அனில் அகர்வால் அறக்கட்டளையின் உதவியுடன் வாரணாசி மாவட்டத்தில் 1421 அங்கன்வாடி மையங்கள் நந்த் கர்களாக உருவாக்கப்பட்டுள்ளன .

பிரதமர் மோடி 18 டிசம்பர் 2023 அன்று தனது பேஸ்புக் கணக்கில் குழந்தைகளைச் சந்திக்கும் இந்த வீடியோவைப் பகிர்ந்துள்ளார் . பிரதமர் மோடி தனது பதிவின் தலைப்பில், 'வாரணாசியில் பள்ளி மாணவர்களுடனான உரையாடல் எனக்கு புதிய ஆற்றலை அளித்தது. பள்ளியில் உள்ள வசதிகள் அதிகரித்துள்ளதால், தாங்கள் படிப்பதையும் மகிழ்ச்சியுடன் அனுபவிக்கிறார்கள் என்று இந்த அழகான குழந்தைகள் சொன்னார்கள்.” என பதிவிட்டிருந்தார்.

முடிவு :

அரவிந்த் கெஜ்ரிவால் கட்டிய பள்ளியில் பிரதமர் மோடி மாணவர்களை சந்தித்தாக வீடியோ ஒன்று வைரலானது. இதுகுறித்து பூம் நடத்திய ஆய்வில் அப்பள்ளி டெல்லியில் உள்ளது இல்லை எனவும் பிரதமர் நரேந்திர மோடியின் சொந்த தொகுதியான வாரணாசி தொகுதியில் உள்ள மாதிரிப் பள்ளி எனவும் கண்டறிந்தது.

Note : This story was originally published by ‘Boom’ and Translated by ‘News7 Tamil’ as part of the Shakti Collective.