"பிரதமர் மோடிக்கும், டிரம்ப்புக்கும் இடையே நல்ல நட்புள்ளது" - மத்திய அமைச்சர் ஜெய்சங்கர் விளக்கம் !
டெல்லி பல்கலைக்கழகத்தின் ஹன்ஸ்ராஜ் கல்லூரியில் நேற்று நடைபெற்ற கலந்துரையாடல் நிகழ்ச்சியில் மத்திய வெளியுறவுத்துறை அமைச்சர் எஸ்.ஜெய்சங்கர் கலந்து கொண்டார். அப்போது பேசியவர்,
"நான் அண்மையில் அமெரிக்க அதிபர் டொனால்ட் டிரம்ப் பதவியேற்பு நிகழ்ச்சியில் பங்கேற்றேன். அவர் ஒரு அமெரிக்க தேசியவாதி. அவரது கொள்கைகள் உலகளாவிய விவகாரங்களில் குறிப்பிடத்தக்க மாற்றங்களைக் கொண்டுவரக் கூடும். அதேநேரம், இந்தியாவின் வெளியுறவுக் கொள்கை என்பது நாட்டின் நலன்களால் தொடர்ந்து வழி நடத்தப்படும். பல விஷயங்களில் ட்ரம்ப் மாற்றத்தை மேற்கொள்வார் என்பதை ஒப்புக் கொள்கிறேன். எதிர்பாராத விஷயங்கள் கூட நிகழலாம்.
இரு நாடுகளும் வேறுபடக் கூடிய சில பிரச்னைகள் இருக்கின்றன. அதேநேரம், நமக்கு சாதகமான விஷயங்களும் பல உள்ளன. அமெரிக்கா உடனான நமது உறவு வலுவானது. பிரதமர் நரேந்திர மோடிக்கும், டிரம்ப்புக்கும் இடையே தனிப்பட்ட ரீதியில் நல்ல நட்புறவு உள்ளது.
நான் பார்க்கும் போது, இவர்களின் கொள்கைகள் என்ன, நாட்டிற்கு நாடு நம்மைப் பற்றி எதிர்மறையாக எதுவும் இல்லை. ஆம், அவர் பல விஷயங்களை மாற்றுவார் என்று நான் உறுதியாக நம்புகிறேன். சில நேரங்களில், பாடத்திட்டத்திற்கு வெளியே என்று கூறுகிறோம், அது பாடத்திட்டத்திற்கு முற்றிலும் வெளியே உள்ளது. உலக அளவில் இந்தியாவின் செல்வாக்கு அதிகரித்து வருகிறது. இந்தியா மீதான உலக நாடுகளின் கண்ணோட்டம் மாறியுள்ளது" என்று தெரிவித்துள்ளார்.
