பிரபல பாடகி நேஹா கக்கார் கைது என வைரலாகும் படங்கள் - உண்மை என்ன?
This News Fact Checked by ‘The quint’
பிரபல பாலிவுட் பாடகி நேஹா கக்கர் காவல்துறையால் கைது செய்யப்பட்டார் எனவும் இது ஒட்டுமொத்த இந்தியாவில் உள்ள மக்களுக்கும் சோகமான தினம் என்றும் சமூக வலைதளங்களில் பதிவுகள் வைரலானது. மார்பிங் செய்யப்பட்ட புகைப்படங்கள் மோசடி இணைப்புடன் சமூக ஊடகங்களில் வைரலாகி வருகின்றன என தி குயிண்ட் கண்டறிந்துள்ளது.
" கக்கரின் வாழ்க்கையின் முடிவு " என்றும் கூற்றுடன் அந்த பதிவு வைரலானது.
உண்மை சரிபார்ப்பு :
சமூக வலைதளங்களில் வைரலான சந்தேகத்திற்கிடமான இணைப்பில் உள்ள தளம் மோசடியான செய்தி இணையதளம் என்றும் அதில் 'எமர்லாடோ'வை விளம்பரப்படுத்தும் கக்கரின் போலி பேட்டி உள்ளதையும் முதலில் கண்டறிந்தோம்.
நேஹா கக்கர் கைது செய்யப்பட்டாரா?:
சமூக வலைதளங்களில் வைரலான பதிவுகளின் அடிப்படையில் இது தொடர்பான முக்கிய வார்த்தைகளை கூகுளில் தேடினோம், கக்கர் கைது செய்யப்பட்டதைப் பற்றிய எந்த செய்தியும் கிடைக்கவில்லை. நேஹா கக்கரின் அதிகாரப்பூர்வ சமூக ஊடக கணக்குகளையும் நாங்கள் சரிபார்த்தோம் , அத்தகைய புதுப்பிப்பு எதுவும் கிடைக்கவில்லை.
உரிமைகோரலில் இணைக்கப்பட்டுள்ள இணைப்பில் பேஸ்புக்கில் வைரலான பதிவில் 'Amazon.in' என்று உள்ளது, ஆனால் நீங்கள் படத்தை கிளிக் செய்யும் போது, அது ஒரு மோசடி இணைப்பைத் திறக்கிறது, இது இணையதளமாகும் என்பது கண்டறியப்பட்டுள்ளது.
இருப்பினும், இந்த இணையதளத்தின் URL, 'live.indiatimestoday1.top' என்பதைப் காட்டுகிறது. இது தி இந்தியன் எக்ஸ்பிரஸ்' இணையதளத்தின் அதிகாரப்பூர்வ URL/முகவரி அல்ல . இது தொடர்பாக நாங்கள் தி இந்தியன் எக்ஸ்பிரஸ் இணையதளத்தையும் சரிபார்த்தோம் , அத்தகைய அறிக்கை எதுவும் கிடைக்கவில்லை.
இந்த இணையதளம் என்ன சொல்கிறது?:
கபில் சர்மாவுடனான கக்கரின் போலி நேர்காணலைக் அந்த இணையதளம் கொண்டுள்ளது, அங்கு அவர் எமர்லாடோ என்ற முதலீட்டு தளத்தை விளம்பரப்படுத்துகிறார். கபில் சர்மாவின் அதிகாரப்பூர்வ சேனல் அல்லது சமூக ஊடக தளங்களில் எந்த நேர்காணலையும் நாங்கள் காணவில்லை. இதேபோல கக்கர் தனது மேடைகளில் 'எமர்லடோ' பற்றி எதையும் பகிர்ந்து கொள்ளவில்லை. எனவே இந்த நேர்காணல் ஒரு போலி இணையதளத்தில் வாசகர்களை தவறாக வழிநடத்துவது என்பது இதன் மூலம் நிரூபிக்கப்பட்டுள்ளது.
முடிவு:
நேஹா கக்கர் கைது செய்யப்பட்டதாகக் கூறும் ஒரு மோசடி இணையதள லிங் சமூக ஊடகங்களில் வைரலாகி வருகிறது. அவர் மோசடியான முதலீட்டு தளத்தை ஊக்குவிப்பதாகவும் அது கூறுகிறது. இது தொடர்பாக தி குயிண்ட் ஆய்வு செய்ததில் அது போலி எனவும் கண்டறியப்பட்டுள்ளது.
Note : This story was originally published by ‘The quint’ and Translated by ‘News7 Tamil’ as part of the Shakti Collective.