யூ டியூப்பில் அதிக பார்வையாளர்கள் : நரேந்திர மோடியை பின்னுக்குத் தள்ளிய ராகுல் காந்தி!
யூ டியூப்பில் அதிக பின்தொடர்வோர்களை கொண்ட அரசியல் கட்சிகள் மற்றும் தலைவர்களில் வாராந்திர பட்டியல் வெளியாகியுள்ள நிலையில், அதில் எதிர்க்கட்சித் தலைவர் ராகுல்காந்தி முதலிடம் பிடித்துள்ளார். பிரதமர் மோடி 6 வது இடம் பிடித்துள்ளார்.
நடந்து முடிந்த மக்களவைத் தேர்தலில் பாஜக தலைமையிலான தேசிய ஜனநாயக கூட்டணி வெற்றி பெற்றது. இதையடுத்து மத்தியில் மீண்டும் பிரதமர் மோடி தலைமையிலான கூட்டணி ஆட்சி அமைந்துள்ளது. 3-வது முறையாக நாட்டின் பிரதமராக பதவியேற்றார் பிரதமர் மோடி. எதிர்க்கட்சித் தலைவராக ராகுல்காந்தி தேர்ந்தெடுக்கப்பட்டார்.
இந்தச் சூழலில் நடப்பு 2024-25 நிதியாண்டுக்கான முழு பட்ஜெட்டை நிதியமைச்சர் நிர்மலா சீதாராமன் நேற்று முனதினம் மக்களவையில் தாக்கல் செய்தார். இந்த நிலையில், யூடியூப்பில் அதிக பார்களைக் கொண்ட அரசியல் கட்சிகள் மற்றும் தலைவர்களின் வாராந்திர பட்டியல் வெளியாகியுள்ளது.