தேர்தலில் தோல்வியடைந்ததால் நடிகை நவ்நீத் ராணா அழுததாக வைரலாகும் பதிவு உண்மையா?
This news fact checked by Newschecker
மக்களவைத் தேர்தலில் அமராவதி தொகுதியில் பாஜக சார்பில் போட்டியிட்டு தோல்வியடைந்ததால் நடிகை நவ்நீத் ராணா கதறி அழுவதாக சமூக வலைதளங்களில் வைரலாகும் வீடியோ பழையது என கண்டறியப்பட்டுள்ளது.
தமிழில் விஜயகாந்த் நடித்த 'அரசாங்கம்' படத்தில் அறிமுகமானவர் நவ்நீத் ராணா. அதன்பின் கருணாஸ்-க்கு ஜோடியாக 'அம்பாசமுத்திரம் அம்பானி' படத்தில் நடித்தார். தெலுங்கு, கன்னடம், ஹிந்தி, மலையாளம், பஞ்சாபி ஆகிய மொழிகளிலும் இவர் நடித்துள்ளார்.
நவ்நீத் ராணா தேர்தல் பிரசாரத்தில் ஈடுபட்டிருந்த போது, “காங்கிரஸ்க்கு வாக்களித்தால், பாகிஸ்தானுக்கு வாக்களித்தது போல” என்று பேசினார். அது கடும் சர்ச்சையை ஏற்படுத்தியது. மேலும், கடந்த முறை சுயேச்சையாக வெற்றி பெற்ற அமராவதி தொகுதியில் இந்த முறை காங்கிரஸ் வேட்பாளரிடம் சுமார் 19 ஆயிரம் வாக்குகள் வித்தியாசத்தில் தோல்வியடைந்தார்.
வைரலான இந்த வீடியோவின் கீஃப்ரேம்கள் தலைகீழ் படத் தேடலுக்கு உட்படுத்தப்பட்டது. அப்போது, மே 5, 2022 அன்று இந்தியா டுடேயின் அதிகாரப்பூர்வ யூடியூப் சேனலில் வெளியிடப்பட்ட வீடியோ கண்டறியப்பட்டது. மும்பையில் உள்ள லீலாவதி மருத்துவமனையில் தனது கணவரும் சட்டமன்ற உறுப்பினருமான ரவி ராணாவைப் பார்த்ததும் முன்னாள் அமராவதி எம்பி நவ்நீத் ராணா உடைந்துவிட்டதாக அந்த அறிக்கையில் தெரிவிக்கப்பட்டுள்ளது.
மகாராஷ்டிர முன்னாள் முதலமைச்சர் உத்தவ் தாக்கரேவின் அதிகாரப்பூர்வ இல்லமான 'மாதோஸ்ரீ'க்கு வெளியே ஹனுமான் சாலிசாவை ஓதுமாறு மிரட்டியதற்காக இருவரும் கைது செய்யப்பட்டதாகவும், மேலும் 12 நாட்கள் சிறையில் இருந்த பிறகு உணர்ச்சிவசப்பட்டு நவ்நீத் ராணா அழுததாகவும் தெரிவிக்கப்பட்டுள்ளது.
CNN-News18 , ABP Live மற்றும் Zee 24 Taas போன்ற பிற செய்தி நிறுவனங்களும் இதே வீடியோ மற்றும் இதே போன்ற தகவல்களுடன் பகிரப்பட்டுள்ளன.
முடிவு:
இதன்மூலம் பாஜகவின் நவநீத் ராணாவின் உணர்ச்சிகரமான வீடியோ 2022-ம் ஆண்டில் வைரலானது என்று கண்டறியப்பட்டது. மேலும் 2024 மக்களவைத் தேர்தலுக்கும் இந்த வைரல் பதிவிற்கும் எந்த தொடர்பும் இல்லை என உறுதியாகியுள்ளது.
Note : This story was originally published by Newschecker and Translated by ‘News7 Tamil’ as part of the Shakti Collective.