டெல்லி தேர்தலில் 70க்கு 47 இடங்களில் பாஜக வெற்றிபெறும் என வைரலாகும் கருத்துக்கணிப்பு உண்மையா?
This News Fact Checked by ‘The Quint’
'ஏபிபி நியூஸ்' செய்தி நிறுவனத்தின் கருத்துக் கணிப்பு முடிவுகளைக் காட்டும் வீடியோ ஆன்லைனில் வைரலாகி வருகிறது. டெல்லி தேர்தலில் பாரதிய ஜனதா கட்சி (பாஜக) மிகப்பெரிய வெற்றியைப் பெறும் என்று இந்த கருத்துக் கணிப்பு கணிப்பில் குறிப்பிடப்பட்டுள்ளது.
இந்த காணொளியில் பாஜகவுக்கு 47 இடங்களும், ஆம் ஆத்மி கட்சிக்கு (AAP) 17 இடங்களும், காங்கிரஸுக்கு 6 இடங்களும் கிடைக்கும் என தெரிவிக்கப்பட்டுள்ளது.
(இதுபோன்ற பதிவுகளின் காப்பகங்களை இங்கே மற்றும் இங்கே காணலாம்)
உண்மை என்ன?: இந்த கிராஃபிக் போலியானது.
- வைரலான கிராஃபிக் உண்மையானது அல்ல என்று ஏபிபி நியூஸ் தெளிவுபடுத்தியுள்ளது.
உண்மை சரிபார்ப்பு:
கூகுளில் இதுதொடர்புடைய முக்கிய வார்த்தைகளைத் தேடியதில், இந்த கருத்துக்கணிப்பு முடிவுகளைப் பகிர்ந்துள்ள எந்த அறிக்கையும் ABP செய்திகளிடமிருந்து கிடைக்கவில்லை.
- செய்தி நிறுவனத்தின் அதிகாரப்பூர்வ யூடியூப் சேனலும் தேர்தல்கள் தொடர்பான எந்த கருத்துக் கணிப்பையும் வெளியிடவில்லை.
- பின்னர் இந்த வைரல் கிளிப் பற்றிய விளக்கம் ABP நியூஸின் அதிகாரப்பூர்வ ட்விட்டர் (எக்ஸ்) பக்கத்தில் கிடைத்தது.
- இது ஒரு போலிச் செய்தி என்றும், இதுபோன்ற கருத்துக் கணிப்புகள் எதுவும் அந்நிறுவனம் சார்பில் நடத்தப்படவில்லை என்றும் அதில் விளக்கம் அளிக்கப்பட்டிருந்தது.
முடிவு:
ஏபிபி நியூஸின் கருத்துக் கணிப்பு டெல்லியில் பாஜக வெற்றி பெறும் என்று கூறுவதாகக் கூறும் ஒரு போலி கிராஃபிக் வைரலாகி வருகிறது.
Note : This story was originally published by ‘The Quint’ and Translated by ‘News7 Tamil’ as part of the Shakti Collective.