டெல்லி தேர்தலில் முஸ்லீம்கள் வாக்களிக்க சிறப்பு வசதிகள் கோரி தேர்தல் ஆணையத்திற்கு அரவிந்த் கெஜ்ரிவால் கடிதம் எழுதினாரா?
This News Fact Checked by ‘Vishvas News’
டெல்லி சட்டமன்றத் தேர்தல் வாக்களிப்புக்குப் பிறகு, சமூக ஊடகங்களில் ஒரு பதிவு வைரலாகி வருகிறது. ஆம்ஆத்மி கட்சியின் (AAP) ஒருங்கிணைப்பாளரும், டெல்லி முன்னாள் முதலமைச்சருமான அரவிந்த் கெஜ்ரிவால் பெயரில் ஒரு கடிதம் பகிரப்படுகிறது. சில பயனர்கள் அதை பதிவிட்டு, வாக்களிப்பதில் முஸ்லிம்களுக்கு சிறப்பு வசதிகள் கோரி கெஜ்ரிவால் தேர்தல் ஆணையத்திற்கு கடிதம் எழுதியுள்ளதாக பதிவிட்டுள்ளனர். இதில் அவர்களின் அடையாள அட்டையை சரிபார்க்க வேண்டாம் மற்றும் வாக்களிக்கும் நேரத்தை அதிகரிக்க வேண்டும் என்ற கோரிக்கையும் அடங்கும்.
இதுகுறித்த விசாரணையில், வைரலான கடிதம் போலியானது என்று கண்டறியப்பட்டுள்ளது. அதில் தேதி எதுவும் இல்லை. அரவிந்த் கெஜ்ரிவால் தேர்தல் ஆணையத்திற்கு இதுபோன்ற எந்த கடிதத்தையும் எழுதவில்லை.
வைரல் பதிவு
வைரலாகும் கடிதத்தை பேஸ்புக் பயனர் மணீஷ் சோனி பிப்ரவரி 6, 2025 அன்று (காப்பக இணைப்பு) பதிவிட்டு, "முஸ்லிம்களை ஏற்றிச் செல்ல வாகனங்கள் இயக்கப்பட வேண்டும், முஸ்லிம்களிடம் அடையாளச் சான்று கேட்கக்கூடாது, அவர்களைச் சரிபார்க்கக்கூடாது, முஸ்லிம்களுக்கான வாக்களிக்கும் நேரத்தை மாலை 5 மணியிலிருந்து 8 மணியாக மாற்ற வேண்டும் என்று கெஜ்ரிவால் தேர்தல் ஆணையத்திடம் எப்படிக் கோருகிறார் என்பதைப் பாருங்கள். மிகப்பெரிய விஷயம் என்னவென்றால், தலித்துகள் முஸ்லிம்களை அடிப்பார்கள், அவர்களை வாக்களிக்க விடமாட்டார்கள் என்று அவர் குற்றம் சாட்டுகிறார், அவர் ஒரு துரோகி" என பதிவிட்டுள்ளார்.
உண்மை சரிபார்ப்பு:
வைரல் கூற்றை சரிபார்க்க, முதலில் வைரல் கடிதத்தை கவனமாகப் பார்த்ததில், தேதி எதுவும் எழுதப்படவில்லை. மேலும், அதன் மொழியில் இருந்து பார்க்கும்போது அது பிப்ரவரி 4-ம் தேதி, வாக்களிப்புக்கு ஒரு நாள் முன்பு எழுதப்பட்டது போல் தெரிகிறது.
இதற்குப் பிறகு, கூகுளில் முக்கிய வார்த்தைகளைப் பயன்படுத்தி இதைப் பற்றித் தேடியதில், வைரலான கூற்றை உறுதிப்படுத்தக்கூடிய எந்த செய்தியும் கிடைக்கவில்லை.
‘ஆஜ் தக்' இல் வெளியிடப்பட்ட செய்தியின்படி டெல்லி தேர்தலுக்கு முன்பு, அரவிந்த் கெஜ்ரிவால் ஒரு சுயாதீன தேர்தல் பார்வையாளரை நியமிக்கக் கோரி தேர்தல் ஆணையருக்கு ஒரு கடிதம் எழுதியிருந்தார்.
வைரலான கடிதத்தையும் மோகன் பகவத்துக்கு எழுதப்பட்ட கடிதத்தையும் ஆய்வு செய்தால், இரண்டிற்கும் இடையே ஒரு வித்தியாசத்தைக் காணலாம்.
"புது டெல்லி சட்டமன்றத் தொகுதியில் ஆம் ஆத்மி கட்சியினர் தாக்கப்படுவதாகக் கூறி, அரவிந்த் கெஜ்ரிவால் தேர்தல் ஆணையருக்கு ஒரு கடிதம் எழுதியுள்ளார். புது டெல்லி சட்டமன்றத்தில் ஒரு சுயாதீன தேர்தல் பார்வையாளரை நியமிப்பதோடு, ஆம் ஆத்மி கட்சியினரின் பாதுகாப்பையும் உறுதி செய்ய வேண்டும் என்று அவர் கோரினார்." என்று பிப்ரவரி 2, 2025 அன்று எஸ்.பி.எஸ். இணையதளத்தில் வெளியிடப்பட்டது.
பிப்ரவரி 2, 2025 அன்று லைவ் ஹிந்துஸ்தான் இணையதளத்தில் வெளியிடப்பட்ட செய்தியின்படி, டெல்லி தேர்தல் ஆணையத்தின் மாவட்ட தேர்தல் அதிகாரி, கெஜ்ரிவாலின் கடிதத்திற்கு பதிலளித்து, இந்தக் குற்றச்சாட்டுகள் தொடர்பாக எழுத்துப்பூர்வ புகார் எதுவும் அளிக்கப்படவில்லை என்று கூறியுள்ளார்.
அரவிந்த் கெஜ்ரிவாலின் ட்விட்டர் பக்கத்தை பார்த்ததில், அந்த பக்கத்தில் அப்படி எந்த கடிதமும் பதிவிடப்படவில்லை.
ஜனவரி 31 அன்று, யமுனை நதி நீர் தொடர்பான தற்போதைய சர்ச்சை குறித்து கணக்கிலிருந்து ஒரு பதிவு செய்யப்பட்டது. இதில், தேர்தல் ஆணையருக்கு அரவிந்த் கெஜ்ரிவால் எழுதிய கடிதம் பகிரப்பட்டுள்ளது. தேதி மேலே கொடுக்கப்பட்டுள்ளது, அதே நேரத்தில் அரவிந்த் கெஜ்ரிவாலின் கையொப்பம் கீழ் வலதுபுறத்தில் கொடுக்கப்பட்டுள்ளது.
दिल्लीवासियों को बहुत-बहुत बधाई। हम सबका संघर्ष रंग लाया। दिल्ली में जो ज़हरीला पानी भेजा जा रहा था, वो अब बंद हो गया। दिल्ली में आने वाले पानी में अमोनिया की मात्रा 7 ppm से घटकर 2 ppm हो गई है। अगर हम आवाज़ नहीं उठाते और संघर्ष नहीं करते, तो आज दिल्ली की आधी आबादी को पानी नहीं… pic.twitter.com/9tNzvvr0zb
— Arvind Kejriwal (@ArvindKejriwal) January 31, 2025
ஜனவரி 9 ஆம் தேதி, கெஜ்ரிவாலின் ட்விட்டர் பக்கத்திலிருந்து பிரதமருக்கு அனுப்பப்பட்ட ஒரு கடிதம் இருந்தது. அதில் தேதியிடப்பட்டுள்ளது, மேலும் அரவிந்த் கெஜ்ரிவாலின் கையொப்பம் கீழ் வலதுபுறத்தில் உள்ளது.
पिछले 10 वर्षों में केंद्र की BJP सरकार ने दिल्ली के जाट समुदाय से चार बार OBC आरक्षण का वादा किया, लेकिन उसे पूरा नहीं किया। दिल्ली के जाट समाज को भी केंद्र की OBC सूची में शामिल किया जाए।
इस मुद्दे पर मैंने प्रधानमंत्री जी को पत्र लिखकर उनसे अनुरोध किया है कि वो दिल्ली के जाट… pic.twitter.com/2e7WMdcLBg
— Arvind Kejriwal (@ArvindKejriwal) January 9, 2025
அரவிந்த் கெஜ்ரிவால் ஆர்.எஸ்.எஸ் தலைவர் மோகன் பகவத்துக்கு எழுதிய கடிதத்தின் நகல், ஜனவரி 1, 2025 அன்று இந்தியா டுடே இணையதளத்தில்பதிவேற்றப்பட்டுள்ளது. அதில் கீழ் வலதுபுறத்தில் தேதியிட்டு கையொப்பமிடப்பட்டுள்ளது.
வைரலான கடிதத்தையும் மோகன் பகவத்துக்கு எழுதப்பட்ட கடிதத்தையும் ஆய்வு செய்தால், இரண்டிற்கும் இடையே ஒரு வித்தியாசத்தைக் காணலாம்.
வைரல் கடிதத்தில் கொடுக்கப்பட்டுள்ள தொடர் எண் NCO/25/10 ஆகும், இதன்படி தேதி பிப்ரவரி 4, 2025 ஆகத் தெரிகிறது. அதே நேரத்தில், ஜனவரி 8, 2025 அன்று பிரதமருக்கு எழுதப்பட்ட கடிதத்தின் தொடர் எண் NCO/25/1 ஆகும், அதே நேரத்தில் ஜனவரி 31, 2025 அன்று தேர்தல் ஆணையருக்கு எழுதப்பட்ட கடிதத்தின் தொடர் எண் NCO/25/12 ஆகும். NCO/25/10 என்ற தொடர் எண்ணைக் கொண்ட லெட்டர்ஹெட் பிப்ரவரியில் அல்ல, ஜனவரியில் எழுதப்பட்டிருக்க வேண்டும் என்பதை இது காட்டுகிறது.
இது தொடர்பாக, டெல்லி ஆம் ஆத்மி கட்சியின் செய்தித் தொடர்பாளர் மீனாட்சி சர்மாவை தொடர்பு கொண்டபோது, அரவிந்த் கெஜ்ரிவால் அப்படி எந்த கடிதத்தையும் எழுதவில்லை என்று அவர் கூறினார். இது போலியானது எனவும் தெரிவித்தார்.
டைனிக் ஜாக்ரனின் டெல்லி மாநிலப் பணியகத்தின் தலைமை நிருபர் வி.கே.சுக்லாவும் இந்த வைரல் கடிதம் போலியானது என்று கூறியுள்ளார்.
போலி கடிதத்தைப் பகிர்ந்த பேஸ்புக் பயனரின் சுயவிவரத்தை ஸ்கேன் செய்தபோது, ஒரு சித்தாந்தத்தால் பாதிக்கப்பட்ட இந்த் அபயனருக்கு சுமார் ஐந்தாயிரம் நண்பர்கள் உள்ளனர்.
முடிவு:
அரவிந்த் கெஜ்ரிவால் பெயரில் ஒரு போலி கடிதம் வைரலாகி வருகிறது. டெல்லி சட்டமன்றத் தேர்தலில் வாக்களிக்கும் போது முஸ்லிம்களுக்கு சிறப்பு வசதிகளை வழங்குமாறு தேர்தல் ஆணையத்திடம் அவர் எந்த கோரிக்கையும் வைக்கவில்லை.
Note : This story was originally published by ‘Vishvas News’ and Translated by ‘News7 Tamil’ as part of the Shakti Collective.
