இந்நிலையில், சென்னை வேப்பேரி, காவல் ஆணையர் அலுவலத்தில் சென்னை பெருநகர காவல் ஆணையாளர் சந்தீப் ராய் ரத்தோர் இன்று (06.07.2024) செய்தியாளர்களை சந்தித்தார். அப்போது அவர் பேசியதாவது, “ஆம்ஸ்ட்ராங்கை அடையாளம் தெரியாத நபர்கள் கத்தியால் தாக்கினர். இதுகுறித்து செம்பியம் காவல் நிலையத்தில் வழக்கு பதிவு செய்யப்பட்டுள்ளது. 8 நபர்கள் கைது செய்யப்பட்டு புலன் விசாரணை மேற்கொள்ளப்பட்டு வருகிறது. ஆம்ஸ்ட்ராங் உடன் இருந்த 2 நபர்களுக்கு மேல் சிகிச்சை அளிக்கப்பட்டு வருகிறது.
சாலை மறியல் நடைபெறும் இடங்களில் பல்வேறு இடங்களில் போலீஸ் பாதுகாப்பு அதிகரிக்கப்பட்டுள்ளது. கொலை செய்யப்பட்ட நபர்களுக்கு தக்க தண்டனை வழங்குவதற்கான நடைமுறைகள் எடுக்கப்பட்டு வருகிறது. அரசியல் காரணமாக அவர் கொலை செய்யப்படவில்லை. ஆம்ஸ்ட்ராங் உடன் பல்வேறு நபர்களுக்கு பல்வேறு பிரச்னைகள் உள்ளது. அதன் காரணமாக அவரை கொலை செய்திருக்கலாம்.
அரசியல் காரணமாக அவர் கொலை செய்யப்படுவதற்கான வாய்ப்பு மிகவும் குறைவு. சரியான விசாரணைக்கு பிறகு தான் என்ன நடந்தது, அவர் எதற்காக கொலை செய்யப்பட்டார் என்பது உறுதி செய்யப்படும். கைது செய்யப்பட்ட 8 இளைஞர்களிடம் விசாரணை நடைபெறுகிறது. பிறகு தான் எதுவும் சொல்ல முடியும். கைது செய்யப்பட்டவர்கள் மீது 5 முதல் 6 வழக்குகள் நிலுவையில் உள்ளன.
அருண் என்பவர் மீது மட்டும் எந்த வழக்குகளும் பதிவாகவில்லை. ஆம்ஸ்ட்ராங் மாநில தலைவராக இருக்கக்கூடிய நிலையில் அவர் எங்கு செல்கிறார் என்பது குறித்து தொடர்ந்து கண்காணித்து வருகிறார்கள். ஆம்ஸ்ட்ராங் ஒரு கை துப்பாக்கியை அனுமதியோடு வைத்துள்ளார். இந்த வழக்கு மிக முக்கியத்துவமாக உள்ளதால் காவல்துறையினர் தொடர்ந்து விசாரணை மேற்கொண்டு வருகிறார்கள். கைது செய்யப்பட்ட நபர்கள்தான் கொலையை செய்ததாக தெரிவித்து வருகிறார்கள்.
சென்னையில் போக்குவரத்து சீராக உள்ளது. ராஜீவ் காந்தி அரசு மருத்துவமனையில் 300க்கும் மேற்பட்ட காவல்துறையினர் பாதுகாப்பு பணியில் இருந்து வருகிறார்கள். பேரணிக்கு இன்னும் கூடுதல் காவல் துறையினர் போட உள்ளோம். குளத்தூர், செம்பியம், பெரம்பூர் உள்ளிட்ட பகுதிகளில் கூடுதல் காவல் துறை பாதுகாப்பு ஏற்பாடு செய்யப்படும். கைது செய்யப்பட்ட குற்றவாளிகள் யாரும் தென் மாவட்டங்களைச் சேர்ந்தவர்கள் இல்லை.
2021-ம் ஆண்டு 450 பேர் மீதும், 2022-ம் ஆண்டு 406 பேர் மீதும், 2023-ம் ஆண்டு 714 பேர் மீதும் குண்டாஸ் சட்டம் பாய்ந்துள்ளது. இந்த ஆண்டு 6 மாதத்தில் மட்டும் 769 பேர் மீது குண்டாஸ் சட்டம் பாய்ந்துள்ளது. மதுபான கடைகள் மூடப்படுவது குறித்து பின்னர் அறிவிக்கப்படும். தற்போதைய விசாரணைப்படி ஆம்ஸ்ட்ராங்கின் கொலை சாதி ரீதியான கொலை இல்லை. இந்த வழக்கப் பொறுத்தவரையில் சரியான நடவடிக்கை எடுப்பதற்கு நேரம் தேவைப்படும்.
செம்பியம் பகுதியிலுள்ள பள்ளியில் ஆம்ஸ்ட்ராங் உடல் பொதுமக்கள் பார்வைக்காக வைக்க திட்டமிடப்பட்டுள்ளது. கைது செய்யப்பட்ட 8 நபர்களும் காவல் நிலையத்தில் வந்து ஆஜராகவில்லை. காவல் துறையினரால் கைது செய்யப்பட்டவர்கள் தான். சென்னை பெருநகர காவல் துறையினர் பொதுமக்கள் பாதுகாப்பிற்காக தீவிரமாக செயல்பட்டு வருகின்றனர். ஆம்ஸ்ட்ராங் கொலை செய்யப்பட்ட 3 மணி நேரத்தில் குற்றவாளிகள் கைது செய்யப்பட்டுள்ளனர்” இவ்வாறு சந்தீப் ராய் ரத்தோர் தெரிவித்துள்ளார்.
