‘வாக்கெடுப்பு மோசடி' என்று குற்றம் சாட்டி பாஜக பகிர்ந்த ஆடியோ கிளிப்கள் உண்மையா?

This news Fact Checked by The Quint

'வாக்கெடுப்பு மோசடி' என்று குற்றம் சாட்டி பாஜக தனது ட்விட்டர் பக்கத்தில் அமிதாப் குப்தா, சுலே, படோல் ஆகியோரின் ஆடியோ கிளிப்களை பகிர்ந்துள்ளது. இதுகுறித்த உண்மை சரிபார்ப்பை காணலாம்.

மகா விகாஸ் அகாடி (எம்விஏ) தலைவர்களான சுப்ரியா சுலே (என்.சி.பி-எஸ்.பி), நானா பட்டோல் (காங்கிரஸ்) மற்றும் ஐ.பி.எஸ் அதிகாரி அமிதாப் குப்தா ஆகியோரின் பதிவு செய்யப்பட்ட உரையாடல் என்று கூறுவதற்காக பாரதிய ஜனதா கட்சி (பாஜக) அவர்களின் அதிகாரப்பூர்வ ட்விட்டர் (எக்ஸ்) கணக்கில் நான்கு ஆடியோ கிளிப்களைப் பகிர்ந்துள்ளது.

இந்த உரையாடல்கள் பணம் மற்றும் கிரிப்டோகரன்சி (பிட்காயின்) பற்றியதாக இருந்தன. மேலும் அவை அனைத்தும் ஒரு தணிக்கை நிறுவனத்தில் பணியாளராகக் கூறப்படும் கௌரவ் மேத்தாவுடன் பேசிக் கொண்டிருந்தது போல் தெரிகிறது.

மகாராஷ்டிராவில் சட்டமன்றத் தேர்தல் நடைபெறுவதற்கு ஒரு நாள் முன்னதாக, நவம்பர் 19 அன்று பாஜக இந்த ஆடியோ கிளிப்களைப் பகிர்ந்துள்ளது மற்றும் இவை வாக்குப்பதிவு மோசடிக்கான ஆதாரம் என்று தெரிவித்துள்ளது.

(இந்த இடுகைகளை இங்கே, இங்கே, இங்கே மற்றும் இங்கே காணலாம் )

உண்மை சரிபார்ப்பு: இந்த ஆடியோ கிளிப்புகள் உண்மையானவை அல்ல எனவும், AI கருவிகளைப் பயன்படுத்தி உருவாக்கப்பட்டுள்ளன எனவும் கண்டறியப்பட்டுள்ளது.

சுலே கிளிப்புகள் 'போலி' என்று ஒரு அறிக்கையை வெளியிட்டு சைபர் கிரைம் புகாரை பதிவு செய்துள்ளார்.

ஒவ்வொரு ஆடியோ கிளிப்பையும் ஆராய்வோம்:

ஆடியோ 1: ஐபிஎஸ் அமிதாப் குப்தா, தணிக்கை நிறுவன ஊழியர் கௌரவ் மேத்தாவுடன் பேசுகிறார்

தொடங்குவதற்கு முன்பாக, குப்தா 'கௌரவ்' மற்றும் 'லக்ஷ்மி' என்ற பெயரை தவறாக உச்சரிக்கிறார்.

இந்த ஆடியோ கிளிப்பை AI-கண்டறிதல் கருவியான TrueMedia இல் இயக்கப்பட்டது. இது கணிசமான சான்றுகள் இருப்பதாக முடிவு செய்தது.

AI-ல் உருவாக்கப்பட்ட ஆடியோ டிடெக்டர் 100% போலி என கூறியது. எனவே, ஆடியோ போலியானது என்று முடிவு செய்யப்பட்டுள்ளது.

WebQoof குழு, ConTrails AI-ஐத் தொடர்புகொண்டது. இது பெங்களூரைச் சேர்ந்த ஸ்டார்ட்அப் நிறுவனம் ஆகும். இது போலியான ஆடியோ மற்றும் வீடியோ உள்ளடக்கத்தைக் கண்டறிவதற்காக அதன் சொந்த AI தொழில்நுட்பத்தை உருவாக்கியுள்ளது.

ஆடியோ பதிவு AI-ஆல் உருவாக்கப்பட்டுள்ளது அல்லது அதிக நம்பிக்கையுடன் கையாளப்பட்டது என்று அவர்களின் அறிக்கை சுட்டிக்காட்டியது.

ஆடியோ 2: காங்கிரஸ் தலைவர் நானா படோல் ஐபிஎஸ் அமிதாப் குப்தாவுடன் உரையாடிய ஆடியோ

இந்த சிறிய ஆடியோ கிளிப்பில், பிட்காயினை பணமாக மாற்றுமாறு குப்தாவை படோல் மிரட்டுவதாக கூறப்படுகிறது.

TrueMedia இன் AI-கண்டறிதல் கருவியில் வீடியோவைப் பதிவேற்றியபோது, இந்த ஆடியோவும் போலியானது என்று முடிவு செய்தது. கையாளுதலுக்கான சிறிய சான்றுகள் இருந்தன.

இருப்பினும், நாங்கள் கிளிப்பை ஆடியோ பதிவை பதிவேற்றியபோது, முடிவுகள் கையாளுதலுக்கான சிறிய ஆதாரங்களைக் கண்டறிந்தன.

15 நவம்பர் 2024 அன்று YouTube சேனலான The Lallantop இல் அவர் அளித்த பேட்டிகளுடன் ஆடியோ பதிவில் உள்ள படோலின் குரலும் ஒப்பிட்டுப் பார்க்கப்பட்டது. ஆடியோ கிளிப்பில் உள்ள குரல் படோலின் அசல் குரலுடன் பொருந்தவில்லை.

மற்றொரு ஆன்லைன் AI-கண்டறிதல் கருவி, ஹைவ் மாடரேஷன், இந்த ஆடியோ குளோன் செய்யப்பட்டது மற்றும் உண்மையானது அல்ல என்று முடிவு செய்தது.

தவறான தகவல் காம்பாட் அலையன்ஸ் (எம்சிஏ) டீப்ஃபேக்ஸ் அனாலிசிஸ் யூனிட் (டிஏயு) மூன்றாம் தரப்பு AI ஆடியோ கண்டறிதல் கருவிகள் மூலம் கிளிப்பை இயக்கியது.

அப்போது கருவிகள், அதிக நம்பிக்கையுடன், AI தொடர்பான ஆடியோ கையாளுதலின் அறிகுறிகளைக் கண்டறிந்தன.

Hiya AI குரல் கண்டறிதல் கருவியும் இந்த குரல் AI-ஆல் உருவாக்கப்பட்டது என்று முடிவு செய்தது.

ஆடியோ 3: சுப்ரியா சுலே மேத்தாவுடன் உரையாடுகிறார்

இந்த ஆடியோ கிளிப்பில், பிட்காயின்களுக்கு ஈடாக சுலே மேத்தாவிடம் பணம் கேட்கிறார்.

சுலேவின் குரல் குறிப்பில் உள்ள குரலை 2023 இல் சம்தீஷ் பாட்டியாவின் வீடியோ போட்காஸ்ட், நேர்காணலுடன் ஒப்பிடப்பட்டது.

பாஜக பகிரும் ஆடியோ கிளிப்களில் கேட்கப்பட்ட குரலுடன் அவரது அசல் குரல் பொருந்தவில்லை என கவனிக்கப்பட்டது.

கான்ட்ரெயில்ஸ் அறிக்கை ஆடியோ எடிட் செய்யப்பட்டதாக குறிப்பிட்டுள்ளது.

மேலும், பிட்காயின்கள் தொடர்பான உரையாடலுடன் தன்னை இணைத்து பாஜக பகிர்ந்துள்ள இந்த ஆடியோ கிளிப் போலியானது என்பதை சுலே ட்விட்டர்(எக்ஸ்) பக்கத்தில் தெளிவுபடுத்தினார்.

மேலும், சைபர் கிரைம் புகாரையும் பதிவு செய்துள்ளார்.

https://twitter.com/supriya_sule/status/1858910827090506106

ஆடியோ 4: குப்தா மற்றும் மேத்தா இடையே இரண்டாவது உரையாடல்

கான்ட்ரெயில்ஸ் அறிக்கை ஆடியோ கையாளப்பட்டதாகவும் குறிப்பிட்டுள்ளது.

ஆடியோ ஸ்பூஃப் டிடெக்சன் AI மாதிரியானது அதிக நம்பிக்கையுடன் AI உருவாக்கத்தைக் குறிக்கிறது என்று குறிப்பிட்டது.

முடிவு:

சுப்ரியா சுலே, நானா படோல் மற்றும் அமிதாப் குப்தா ஆகியோரின் AI-ஆல் உருவாக்கப்பட்ட ஆடியோ கிளிப்களை பாஜக பகிர்ந்து அதை "வாக்கெடுப்பு மோசடிகளுடன்" பொய்யாக இணைத்து வைரலாக்கி வருகிறது.

Note : This story was originally published by The Quint and Translated by ‘News7 Tamil’ as part of the Shakti Collective.