கேரளாவை சேர்ந்த இரண்டு கன்னியாஸ்திரிகள் கைது - நாடாளுமன்றத்தில் கேரள எ.ம்.பி.க்கள் கடும் கண்டனம்!

சத்தீஸ்கர் மாநிலத்தில் அண்மையில் கேரளாவைச் சேர்ந்த இரண்டு கன்னியாஸ்திரிகள் மதமாற்றம் மற்றும் மனித trafficking குற்றச்சாட்டுகளின் கீழ் கைது செய்யப்பட்ட சம்பவம், நாடு முழுவதும் பெரும் பரபரப்பை ஏற்படுத்தியுள்ளது.

இந்த சம்பவம் குறித்து கேரளாவில் கடும் எதிர்ப்புகள் கிளம்பிய நிலையில், கேரளா மாநிலத்தைச் சேர்ந்த நாடாளுமன்ற உறுப்பினர்கள், மத்திய அரசையும், சத்தீஸ்கர் மாநில அரசையும் கண்டித்து நாடாளுமன்ற வளாகத்தில் இன்று ஆர்ப்பாட்டத்தில் ஈடுபட்டனர்.

கேரளாவைச் சேர்ந்த பல்வேறு அரசியல் கட்சிகளின் நாடாளுமன்ற உறுப்பினர்கள் ஒன்றிணைந்து, நாடாளுமன்ற வளாகத்தில் பதாகைகளை ஏந்தியவாறு முழக்கமிட்டனர். சிறுபான்மையினர் மீதான தாக்குதலை நிறுத்துங்கள், கன்னியாஸ்திரிகளை உடனடியாக விடுதலை செய், மத சுதந்திரத்தை பாதுகாப்போம் போன்ற வாசகங்கள் அடங்கிய பதாகைகளை அவர்கள் ஏந்தி இருந்தனர்.

இந்த ஆர்ப்பாட்டத்தின் போது பேசிய எம்.பி.க்கள், சத்தீஸ்கர் மாநிலத்தில் நடைபெற்ற இந்த கைது நடவடிக்கை மிகவும் கண்டிக்கத்தக்கது. எந்தவித ஆதாரமும் இல்லாமல், மத ரீதியான வெறுப்புணர்வின் அடிப்படையில் இந்த கைதுகள் மேற்கொள்ளப்பட்டுள்ளன.

இது நாட்டின் மதச்சார்பற்ற தன்மைக்கும், சிறுபான்மையினரின் உரிமைகளுக்கும் எதிரான அப்பட்டமான தாக்குதல். மத்திய அரசும், சத்தீஸ்கர் மாநில அரசும் இந்த விவகாரத்தில் பாரபட்சமாக செயல்படுகின்றன. தவறிழைத்த காவல்துறை அதிகாரிகள் மீது நடவடிக்கை எடுக்க வேண்டும். கைது செய்யப்பட்ட கன்னியாஸ்திரிகளை உடனடியாக விடுதலை செய்ய வேண்டும் என்று வலியுறுத்தினர்.

இந்த விவகாரம் குறித்து நாடாளுமன்றத்தில் விவாதம் நடத்தப்பட வேண்டும் என்றும், மத்திய அரசு இது தொடர்பாக விளக்கமளிக்க வேண்டும் என்றும் அவர்கள் கோரிக்கை விடுத்தனர். இந்த சம்பவம், கேரளாவில் உள்ள கிறிஸ்தவ சமூகத்தினர் மத்தியில் பெரும் கொந்தளிப்பை ஏற்படுத்தியுள்ள நிலையில், கேரள முதலமைச்சர் மு.க. ஸ்டாலின் உட்பட பல்வேறு அரசியல் தலைவர்களும், கிறிஸ்தவ அமைப்புகளும் இந்த கைதுக்கு கண்டனம் தெரிவித்துள்ளனர்.

இந்த விவகாரம், நடைபெற்று வரும் நாடாளுமன்ற கூட்டத்தொடரில் முக்கிய விவாதப் பொருளாக மாறியுள்ளது. கைது செய்யப்பட்ட கன்னியாஸ்திரிகள் பிரீத்தி மேரி மற்றும் வந்தனா பிரான்சிஸ் என அடையாளம் காணப்பட்டுள்ளனர். இவர்கள் அசிசி சிஸ்டர்ஸ் ஆஃப் மேரி இம்மாகுலேட் (Assisi Sisters of Mary Immaculate) அமைப்பைச் சேர்ந்தவர்கள். பஜ்ரங்தள் அமைப்பைச் சேர்ந்த ஒருவரின் புகாரின் அடிப்படையில் இந்த கைதுகள் நடைபெற்றதாக கூறப்படுகிறது.

கன்னியாஸ்திரிகள், மூன்று பழங்குடியின பெண்களை மதமாற்றம் செய்ய முயன்றதாகவும், அவர்களை மனித trafficking செய்ததாகவும் குற்றம் சாட்டப்பட்டுள்ளது.இருப்பினும், பாதிக்கப்பட்டதாகக் கூறப்படும் பெண்களின் குடும்பத்தினர், தாங்கள் trafficking செய்யப்படவில்லை என்றும், கன்னியாஸ்திரிகள் மீது சுமத்தப்பட்ட குற்றச்சாட்டுகள் தவறானவை என்றும் தெரிவித்துள்ளனர். இந்த விவகாரம் தொடர்பாக கேரளாவில் பல்வேறு அரசியல் கட்சிகளும், சமூக அமைப்புகளும் தொடர் போராட்டங்களில் ஈடுபட்டு வருகின்றன.