‘காதலிக்க நேரமில்லை’படத்தின் முதல் பாடல் நாளை வெளியீடு!

‘காதலிக்க நேரமில்லை’ திரைப்படத்தின் முதல் பாடல் நாளை வெளியாகும் என படக்குழு அறிவித்துள்ளது.

கிருத்திகா உதயநிதி இயக்கத்தில் ஜெயம் ரவி நடித்துள்ள திரைப்படம் ‘காதலிக்க நேரமில்லை’. இதில், ஜெயம் ரவியுடன் இணைந்து நித்யா மேனன் உள்ளிட்ட பலர் நடித்துள்ளனர். ரெட் ஜெயன்ட் நிறுவனம் தயாரித்துள்ள இந்த திரைப்படத்துக்கு ஏ.ஆர்.ரஹ்மான் இசையமைத்திருக்கிறார். இப்படத்தின் இறுதிகட்டப் பணிகள் மும்முரமாக நடைபெற்று வருகின்றன.

இந்த திரைப்படம் காதலை மையப்படுத்தி வித்தியாசமாக உருவாக்கப்பட்டு இருப்பதாக சொல்லப்படுகிறது. இந்த நிலையில், இத்திரைப்படத்தின் ரிலீஸ் தேதி தொடர்பான தகவல் வெளியாகியுள்ளது. ‘காதலிக்க நேரமில்லை’ படத்தை டிசம்பர் 20-ம் தேதி வெளியிட படக்குழு முடிவு செய்துள்ளதாக கூறப்படுகிறது. விரைவில் இது தொடர்பான அதிகாரப்பூர்வ அறிவிப்பு வெளியாகும் என எதிர்பார்க்கப்படுகிறது.

இதையும் படியுங்கள் : அம்பேத்கர் புத்தக வெளியீட்டு விழா – திருமாவளவன் பங்கேற்கவில்லை?

இந்த திரைப்படத்தின் முதல் பாடலான 'என்னை இழுக்குதடி' பாடல் நாளை ( நவ.22) மாலை 5 மணிக்கு வெளியாகும் என படக்குழு அறிவித்துள்ளது. விவேக் எழுதிய இப்பாடலை ஏ. ஆர். ரஹ்மான் மற்றும் தீ பாடியுள்ளனர். இது தொடர்பாக வீடியோ வெளியீட்டு படக்குழு அறிவித்துள்ளது.