இணையத்தில் கவனம் பெறும் 'ட்ராமா' படத்தின் ஃபர்ஸ்ட் லுக்!

'ட்ராமா' படத்தின் ஃபர்ஸ்ட் லுக் போஸ்டர் இணையத்தில் கவனம் பெற்று வருகிறது. 

விஜய்சேதுபதி நடிப்பில் வெளியான 'சேதுபதி' படத்தின் மூலம் தமிழ் சினிமாவில் அறிமுகமானவர் நடிகர் விவேக் பிரசன்னா. இவர் இதுவரை 50 க்கும் மேற்பட்ட படங்களில் நடித்துள்ளார். பல குறும்படத்தில் குணச்சித்திர கதாப்பாத்திரங்களில் நடித்து மக்களுக்கு பரீட்சயமானார். 'மேயாத மான்' திரைப்படத்தின் மூலம் பலரின் பாராட்டுகளை பெற்றார்.

விவேக் பிரசன்னா கடந்த ஆண்டு லால் சலாம், ஹிட்லர், பேட்ட ராப், பிளாக், ஆலன், ஃபேமிலி படம் ஆகிய திரைப்படங்களில் நடித்திருந்தார். இவர் தற்போது தம்பிதுரை மாரியப்பன் இயக்கத்தில் புதிய திரைப்படத்தில் நடித்து வருகிறார். இப்படத்திற்கு 'ட்ராமா' எனப் பெயரிடப்பட்டுள்ளது.

இதில் விவேக் பிரசன்னா உடன் பூர்ணிமா ரவி, ஆனந்த் நாக், சாந்தினி தமிழரசன் உள்ளிட்ட பலர் நடித்துள்ளனர். இப்படம் ஒரு கிரைம் திரில்லர் ஜார்னரில் உருவாகியுள்ளது. இப்படத்தை டர்ம் புரொடக்ஷன் ஹவுஸ் பேனரில் எஸ் உமா மகேஸ்வரி தயாரிக்கிறார். இந்நிலையில் இப்படத்தின் பஸ்ட் லுக் போஸ்டரை நடிகர் விஜய் சேதுபதி வெளியிட்டார். இந்த போஸ்டர் இணையத்தில கவனம் பெற்று வருகிறது.