பிரதமரை சந்தித்த தெலங்கானா முதலமைச்சர் ரேவந்த் ரெட்டி!

பிரதமர் நரேந்திர மோடியை டெல்லியில் நேரில் சந்தித்த தெலங்கானா முதலமைச்சர் ரேவந்த் ரெட்டி, நிலுவையில் இருக்கும் நிதிப்பகிர்வுகள் குறித்த கோரிக்கை மனுவினை அளித்தார்.

சமீபத்தில் நடைபெற்று முடிந்த தெலங்கானா மாநில சட்டப்பேரவை தேர்தலில் பெருவாரியான இடங்களில் வெற்றி பெற்று காங்கிரஸ் கட்சி ஆட்சியமைத்தது. இதனைத்தொடர்ந்து தெலங்கானவில் புதிய முதலமைச்சராக ரேவந்த் ரெட்டியும், துணை முதலமைச்சராக மல்லு பட்டி விக்ரமார்காவும் பொறுப்பேற்றனர். இதையடுத்து பிரதமரை சந்தித்து, அவரிடம் மாநிலம் குறித்த பல்வேறு விவகாரங்கள் அடங்கிய மனுவை அளிக்க இன்று நேரம் அளிக்கப்பட்டிருந்தது.