சூர்யாவின் பிறந்தநாளை முன்னிட்டு "கருப்பு" படத்தின் டீசர் வெளியீடு!

தமிழ் திரையுலகில் முன்னணி நடிகராக இருப்பவர் சூர்யா. இவர் ஆர்.ஜே.பாலாஜி இயக்கத்தில் டிரீம் வாரியர் பிக்சர்ஸ் தயாரிப்பில் ''கருப்பு'' படத்தில் நடித்துள்ளார். இந்த படத்திற்கு சாய் அபயங்கர் இசையமைத்துள்ளார். இதில் நடிகை திரிஷா, சுவாசிகா, இந்திரன்ஸ், யோகி பாபு, ஷிவாதா, சுப்ரீத் ரெட்டி, அனகா மாயா ரவி மற்றும் நட்டி நட்ராஜ் ஆகியோர் முக்கிய கதாபாத்திரங்களில் நடித்துள்ளனர்.

இந்நிலையில், நடிகர் சூர்யா இன்று (ஜூலை 23) தனது 50வது பிறந்தநாளை கொண்டாடுகிறார். இதனை முன்னிட்டு கருப்பு படத்தின் டீசரை படக்குழு வெளியிட்டுள்ளது. இப்படத்தின் பர்ஸ்ட் லுக் போஸ்டர்கள் நேற்று வெளியான நிலையில் இன்று டீசர் வெளியானது. இப்படம் சூர்யா நடிக்கும் 45-வது திரைப்படமாகும்.