T20 – ஆஸ்திரேலியாவுக்கு 118 ரன்கள் இலக்கு நிர்ணயித்த பாகிஸ்தான் அணி!

பாகிஸ்தான் - ஆஸ்திரேலியாஅணிகளுக்கு இடையே நடைபெற்ற கடைசி டி20 ஆட்டத்தில் ஆஸ்திரேலிய அணிக்கு 118 ரன்கள் இலக்காக பாகிஸ்தான் அணி நிர்ணயித்துள்ளது.

ஆஸ்திரேலியாவில் சுற்றுப்பயணம் மேற்கொண்டுள்ள பாகிஸ்தான் கிரிக்கெட் அணி 3 ஒருநாள் , 3 டி20 போட்டிகள் கொண்ட தொடரில் விளையாடி வருகிறது. இதில், ஒருநாள் தொடரை 2-1 என்ற கணக்கில் பாகிஸ்தான் கைப்பற்றியது.

இதையடுத்து இரு அணிகளுக்கும் இடையேயான டி20 கிரிக்கெட் தொடர் நடைபெற்று வருகிறது. இதில் முதல் 2 போட்டிகளில் ஆஸ்திரேலியா வெற்றி பெற்று தொடரை ஏற்கனவே கைப்பற்றி விட்டது. இந்நிலையில், ஆஸ்திரேலியா - பாகிஸ்தான் அணிகளுக்கு இடையேயான 3வது மற்றும் கடைசி டி20 போட்டி இன்று நடைபெற்று வருகிறது.

இதையும் படியுங்கள் : Uttarpradesh | ஜான்சி மருத்துவமனை தீ விபத்தில் 7 குழந்தைகளை மீட்ட ஹீரோ! ஆனால் அவருக்கு காத்திருந்த சோகம்!

இந்நிலையில், ஆஸ்திரேலியாவுக்கு எதிரான 3வது மற்றும் கடைசி டி20 போட்டியில் டாஸ் வென்ற பாகிஸ்தான் அணி பேட்டிங்கை தேர்வு செய்தது. இறுதியில் பாகிஸ்தான் அணி 18.1 ஓவர்களில் 117 ரன்களுக்கு ஆல்-அவுட் ஆனது. இதையடுத்து, ஆஸ்திரேலியா அணிக்கு 118 ரன்கள் இலக்காக நிர்ணயிக்கப்பட்டுள்ளது.