RRvsRCB : வெற்றிப் பாதைக்கு திரும்புமா பெங்களூரு? ராஜஸ்தான் அணிக்கு எதிராக பந்துவீச்சு தேர்வு!
ஐபிஎல் டி20 கிரிக்கெட் தொடரில் இன்று பிற்பகல் நடைபெறும் ஆட்டத்தில் ராஜஸ்தான் ராயல்ஸ் - ராயல் சாலஞ்சர்ஸ் பெங்களூரு அணிகள் மோதுகின்றன. இரு அணிகளும் தங்களது கடைசி ஆட்டத்தில் தோல்வியை சந்தித்து இருந்தன. பெங்களூரு அணி 6 விக்கெட்கள் வித்தியாசத்தில் டெல்லி கேப்பிடல்ஸ் அணியிடமும், ராஜஸ்தான் அணி 58 ரன்கள் வித்தியாசத்தில் குஜராத் டைட்டன்ஸ் அணியிடமும் வீழ்ந்திருந்தன.
பெங்களூரு அணி 5 ஆட்டங்களில் விளையாடி 3 வெற்றி, 2 தோல்விகளுடன் 6 புள்ளிகள் பெற்று பட்டியலில் 5-வது இடத்தில் உள்ளது. ராஜஸ்தான் அணி 5 ஆட்டங்களில் விளையாடி 2 வெற்றி, 3 தோல்விகளுடன் 4 புள்ளிகள் பெற்று 7-வது இடத்தில் உள்ளது.
இந்நிலையில் இன்று நடைபெற உள்ள 74வது லீக் ஆட்டத்தில் இரு அணிகளும் மோதுகின்றன. ஆட்டத்தில் டாஸ் வென்ற பெங்களூரு அணி பந்துவீச்சை தேர்வு செய்துள்ளது. அதன்படி முதலில் ராஜஸ்தான் பேட்டிங் செய்கிறது.
