#ProKabaddiLeague | பெங்கால் வாரியர்ஸ், புனேரி பால்டன் அணிகள் வெற்றி!

புரோ கபடி லீக் போட்டியின் நேற்றைய ஆட்டங்களில் பெங்கால் வாரியர்ஸ், புனேரி பால்டன் அணிகள் வெற்றி பெற்றன.

11-வது புரோ கபடி லீக் போட்டி ஐதராபாத்தில் கடந்த 18ம் தேதி தொடங்கியது. இதில் பங்கேற்றுள்ள 12 அணிகள் தங்களுக்குள் தலா 2 முறை மோத வேண்டும். லீக் சுற்று முடிவில் முதல் 6 இடங்களை பிடிக்கும் அணிகள் ‘பிளே-ஆப்’ சுற்றுக்கு தகுதி பெறும். லீக்கில் ‘டாப்-2’ இடங்களை வசப்படுத்தும் அணிகள் நேரடியாக அரையிறுதிக்குள் அடியெடுத்து வைக்கும். 3 முதல் 6 இடங்களை பெறும் அணிகள் வெளியேற்றுதல் சுற்றில் மோதி அதில் வெற்றி பெறும் 2 அணிகள் அரையிறுதிக்கு தகுதி பெறும்.

இதையும் படியுங்கள் : #BabyJohn படத்தின் டீசர் ரிலீஸ் எப்போது? – வெளியான லேட்டஸ்ட் அப்டேட்!

இந்த நிலையில், இந்த தொடரில் நேற்று (நவ.3) இரவு நடைபெற்ற முதல் லீக் ஆட்டத்தில் புனேரி பால்டன் - யு மும்பா அணிகள் மோதின. ஆரம்பம் முதலே விறுவிறுப்பாக நடைபெற்ற இந்த ஆட்டத்தில் புனேரி பால்டன் 35-28 என்ற புள்ளி கணக்கில் யு மும்பா அணியை வீழ்த்தி வெற்றி பெற்றது. இதனையடுத்து, நடைபெற்ற மற்றொரு லீக் ஆட்டத்தில் பெங்கால் வாரியர்ஸ் - ஹரியானா ஸ்டீலர்ஸ் அணிகள் மோதிக்கொண்டன. இந்த ஆட்டத்தில் பெங்கால் வாரியர்ஸ் அணி 40-38 என்ற புள்ளி கணக்கில் ஹரியானா அணியை வீழ்த்தி வெற்றி பெற்றது.