நேபாளம்: விமான விபத்தில் சிக்கி 18 பேர் உயிரிழப்பு - பதைபதைக்க வைக்கும் வீடியோ!
நேபாளத்தில் ஓடுதளத்தில் இருந்து பறக்க முயன்ற விமானம் விபத்தில் சிக்கியதில் 18 பேர் உயிரிழந்துள்ளனர். இதுகுறித்த வீடியோக்கள் இணையத்தில் வைரலாகி வருகின்றன.
நேபாள தலைநகர் காத்மாண்டுவில் திருபுவன் சர்வதேச விமான நிலையம் செயல்பட்டு வருகிறது. இன்று காலை 11 மணியளவில் பைலட், விமான நிலைய ஊழியர்கள் உட்பட்ட 19 பேருடன் தனியார் நிறுவன விமானம் போக்காரா நகருக்கு புறப்பட்டது. அப்போது ஓடுதளத்தில் இருந்து மேல் எழ முயன்றபோது விமானியின் கட்டுப்பாட்டை இழந்த விமானம், ஓடுதளத்தை விட்டு வெளியே சென்று விபத்தில் சிக்கியது.
BREAKING NEWS : This video of the moment when the Saurya Airlines plane crashed at the TIA Airport in Kathmandu.#Nepal #Crash #NepalCrash #Video #Kathmandu #sauryaairlines #TIAAIRPORT pic.twitter.com/KCIfhaL18Q
— जन सुनवाई | Jan Sunwai (@JanSunwaiBharat) July 24, 2024
ஓடுதளத்தின் மேல் எழுந்த விமானத்தின் ஒரு பக்க இறக்கை ஓடுதளத்தில் உரசிய நிலையில், ஒருசில நொடிகளிலேயே முழுவதுமாக பற்றி எரிந்தது. சம்பவம் அறிந்து நிகழ்விடத்திற்கு வந்த தீயணைப்புப் படையினர் நீண்ட நேரம் போராடி தீயை கட்டுக்குள் கொண்டு வந்தனர். விபத்தால் அந்த இடம் முழுவதுமே கரும்புகையால் சூழ்ந்தது. இதில், விமானத்தில் இருந்த 18 பேர் உயிரிழந்தனர். விமானி ஷக்யா படுகாயங்களுடன் மீட்கப்பட்ட நிலையில் அவர் மருத்துவமனையில் அனுமதிக்கப்பட்டுள்ளார்.
दुःखद घटना काठमांडू में विमान क्रेश में 18 लोगो की मौत! विमान काठमांडू से पोखरा जा रहा था।#Nepal #Kathmandu #Nepal #planecrash#NepalPlaneCrash pic.twitter.com/ToBEzo32hq
— Vishnu_Choudhary_007 (@VishnuDidel_007) July 24, 2024
