‘மெட்ராஸ்காரன்’ ஓடிடி ரிலீஸ் தேதி அறிவிப்பு!

அறிமுக இயக்குநர் வாலி மோகன் தாஸ் இயக்கத்தில் மலையாள நடிகர் ஷேன் நிகாம், கலையரசன் இணைந்து நடித்த திரைப்படம் “மெட்ராஸ்காரன்”. இதில் ஷேன் நிகாம் உடன் ஐஷ்வர்யா துட்டா , கீதா கைலாசம், கருணாஸ், நிஹாரிகா கொநிடேலா உள்ளிட்ட பலர் நடித்துள்ளனர். சாம் சி எஸ் இசையமைத்துள்ள இப்படத்திற்க்கு பிரசன்னா எஸ்.குமார் ஒளிப்பதிவு செய்துள்ளார்.

இப்படத்தை எஸ் புரொடக்‌ஷன் நிறுவனம் தயாரித்துள்ளது. பொங்கலையொட்டி கடந்த ஜன.10ஆம் தேதி வெளியான இத்திரைப்படம், ரசிகர்களிடையே கலவையான விமர்சனங்களை பெற்றது. இந்நிலையில் இப்படத்தின் ஓடிடி ரிலீஸ் தேதி அறிவிக்கப்பட்டுள்ளது. அதன்படி ஆஹா தளத்தில் பிப்.7 ஆம் தேதி படம் வெளியாக உள்ளது.

View this post on Instagram

A post shared by aha Tamil (@ahatamil)

மலையாளத்தில் புகழ்பெற்ற கும்பளாங்கி நைட்ஸ், ஆர்டிஎக்ஸ், இஷ்க் படப்புகழ் நடிகர் ஷேன் நிகாம் நடித்த முதல் தமிழ்ப்படம் இது என்பது குறிப்பிடத்தக்கது.