விடுதலை சிறுத்தைகள் கட்சி மாநாடு - ஆளுநர் பதிவியை நீக்க வேண்டும், தனியார் துறையில் இட ஒதுக்கீடு உள்ளிட்ட 33 தீர்மானங்களை முன்மொழிந்த திருமாவளவன்!
விடுதலை சிறுத்தைகள் கட்சியின் 'வெல்லும் ஜனநாயகம்' என்ற மாநாட்டில் ஆளுநர் பதிவியை நீக்க வேண்டும், தனியார் துறையில் இட ஒதுக்கீடு வழங்க சட்டம் இயற்ற வேண்டும் உள்ளிட்ட 33 தீர்மானங்கள் நிறைவேற்றப்பட்டன.
விடுதலை சிறுத்தைகள் கட்சி 'வெல்லும் ஜனநாயகம்' என்ற மாநாட்டை திருச்சி மாவட்டம், சிறுகனூரில் நடத்துகிறது. தொல்.திருமாவளவனின் மணிவிழா, கட்சியின் தேர்தல் அரசியல் வெள்ளி விழா, 'இந்தியா கூட்டணி'யின் வெற்றிக் கால்கோல் விழா என்று முப்பெரும் விழாவாக விடுதலை சிறுத்தைகள் கட்சி இந்த மாநாட்டை நடத்துகிறது. இன்று மாலை ஐந்து மணியளவில் மாநாடு நடைபெறும் இடத்துக்கு வருகை தந்த திருமாவளவன், மாநாட்டுத் திடலில் அமைக்கப்பட்டிருந்த 300 அடி உயரக் கொடிகம்பத்தில் கொடி ஏற்றினார். அதன் பிறகு, அவர் மாநாட்டு மேடைக்குச் சென்றார்.
குறிப்பாக, பாலஸ்தீன மக்களுக்கும், ஈழத் தமிழர்களுக்கும் மத்திய அரசை ஆதரவு வழங்க வலியுறுத்துவது, முழுதாகக் கட்டி முடிக்கப்படாத ராமர் கோயிலைத் திறந்து அரசியல் ஆதாயம் தேடும் பா.ஜ.க அரசின் நடவடிக்கையை கண்டிப்பது, மணிப்பூரில் அமைதியை நிலைநாட்ட மத்திய அரசை வலியுறுத்துவது, இந்தியாவின் இரண்டாவது தலைநகராக சென்னையை அறிவிக்க மத்திய அரசை வேண்டுவது, சாதிவாரிக் கணக்கெடுப்பு நடத்திட உத்தரவிட வலியுறுத்துவது என தீர்மானங்களை முன்மொழிந்தார்.