தோல்வியில் முடிந்த இஸ்ரோவின் PSLV C-61 திட்டம்... இதுதான் காரணமா?

ஸ்ரீஹரிகோட்டாவில் உள்ள சதீஷ் தவான் விண்வெளி மையத்திலிருந்து இன்று அதிகாலை 5:59 மணிக்கு விண்ணில் ஏவப்பட்ட PSLV C-61 திட்டம் தோல்வியடைந்ததாக இஸ்ரோ அறிவித்துள்ளது.

இந்திய விண்வெளி ஆராய்ச்சி நிறுவனம் (ISRO), இன்று PSLV-C61 மூலம் EOS-09 செயற்கைகோளை வெற்றிகரமாக விண்ணில் ஏவியது. இது இஸ்ரோவின் 101வது செயற்கைக்கோள் ஏவுதல் ஆகும். 4 கட்டங்களாக ராக்கெட் செலுத்தப்படும் நிலையில், 3ஆவது அடுக்கு பிரிந்தபோது பிஎஸெல்வி சி61 ராக்கெட் திட்டம் தோல்வியடைந்ததாக அறிவிக்கப்பட்டுள்ளது.

Today 101st launch was attempted, PSLV-C61 performance was normal till 2nd stage. Due to an observation in 3rd stage, the mission could not be accomplished.

— ISRO (@isro) May 18, 2025 

232 வது கிலோமீட்டர் தொலைவில் ராக்கெட் சென்று கொண்டிருக்கும் போது தொழில்நுட்ப கோளாறு ஏற்பட்டதால் சரியான பாதையில் பயணிக்க முடியவில்லை என்று முதற்கட்ட தகவல் வெளியாகியுள்ளது. ஆய்வுக்கு பின்னர் விரிவான அறிக்கை கொடுக்கப்படும் என இஸ்ரோ தலைவர் நாராயணன் தெரிவித்துள்ளார். சரியாக 8 நிமிடம் 13 விநாடிகளில் தொழில்நுட்ப கோளாறு ஏற்பட்டதாக தகவல் வெளியாகியுள்ளது.