‘டெல்லியின் சாலையில் பள்ளம் உள்ளதா? பள்ளத்தில் சாலை உள்ளதா?’ என வைரலாகும் பதிவின் உண்மை என்ன?
This News Fact Checked by ‘The Quint’
டெல்லி தேர்தலுக்கு முன்னதாக, பாஜக தங்கள் அதிகாரப்பூர்வ ட்விட்டர் (எக்ஸ்) பக்கத்தில் ஒரு பிரச்சார வீடியோவைப் பகிர்ந்துள்ளது. அதில் டெல்லியில் பல பாழடைந்த சாலைகள் இருப்பதாக ஆம் ஆத்மி கட்சி அரசை விமர்சிப்பதாக குறிப்பிடப்பட்டுள்ளது.
அந்த வீடியோ “சாலையில் பள்ளங்கள் உள்ளதா அல்லது பள்ளத்தில் சாலை உள்ளதா என்று சொல்ல முடியாது, தேர்தலில் ஏற்பட்ட தவறு காரணமாக டெல்லியில் ஆம் ஆத்மி ஆட்சி உருவானது! இப்போது நாங்கள் அதை பொறுத்துக்கொள்ள மாட்டோம், அதை மாற்றுவோம்” என இந்தியில் தலைப்புடன் பகிரப்பட்டது.
உண்மை என்ன: வீடியோவில் உள்ள சிக்கல் என்னவென்றால், பாஜக ஆளும் ஹரியானாவின் ஃபரிதாபாத்தை வைரலாகி வரும் வீடியோ காட்டுகிறது. எனவே, அந்தக் பதிவை தவறாக வழிநடத்துவதாக கண்டறியப்பட்டது.
உண்மை சரிபார்ப்பு:
வைரலான காணொளியை உற்று நோக்கும்போது, பின்னணியில் "தாகூர் உதய்பால் சிங் தர்மசாலா" என்று எழுதப்பட்ட ஒரு வெள்ளைப் பலகை தெரிந்தது.
இதுகுறித்து கூகுள் மேப்ஸில் தேடியபோது, 'ஸ்ட்ரீட் வியூ' பயன்படுத்தி, 2022 இல் எடுக்கப்பட்ட வைரல் வீடியோவில் காணப்பட்டதைப் போன்ற காட்சிகள் கண்டறியப்பட்டன.
இந்தக் காட்சிகள் ஹரியானாவின் ஃபரிதாபாத்தில் இருந்து எடுக்கப்பட்டவை. அங்கு பாஜக அரசு பதவியில் உள்ளது என்பதை கவனத்தில் கொள்ள வேண்டும்.
காட்சிகளை ஒப்பிடுதல்:
வைரல் கிளிப்பில் இருந்து கீஃப்ரேம்களை கூகுள் மேப்ஸில் கிடைக்கும் காட்சிகளுடன் ஒப்பிட்டுப் பார்த்ததில், அந்த வீடியோ உண்மையில் ஹரியானாவில் பதிவு செய்யப்பட்டது என்பது தெரியவந்தது.
இதேபோல், ஆம் ஆத்மி கட்சியின் அதிகாரப்பூர்வ ட்விட்டர் பக்கமும், அந்த காணொளி ஹரியானாவின் ஃபரிதாபாத்திலிருந்து வந்தது என்றும் டெல்லியிலிருந்து அல்ல என்றும் தெளிவுபடுத்தியது. இது ஜனவரி 12 அன்று பகிரப்பட்டது.
முடிவு:
இந்த காணொளி ஹரியானாவிலிருந்து வந்த காட்சிகளைக் காட்டுகிறது என்பது தெளிவாகிறது.
Note : This story was originally published by ‘The Quint’ and Translated by ‘News7 Tamil’ as part of the Shakti Collective.