‘வங்கதேச இந்து துறவி சின்மோய் கிருஷ்ணதாஸை தூக்கிலிட உத்தரவு’ என வைரலாகும் பதிவு உண்மையா?

This news Fact Checked by ‘AajTak’

சமீபத்தில், சின்மோய் கிருஷ்ண தாஸை தூக்கிலிட சிட்டகாங் நீதிமன்றம் உத்தரவிட்டதாக சமூக ஊடகங்களில் பதிவு ஒன்று வைரலாகி வருகிறது. இதுகுறித்த உண்மை சரிபார்ப்பை காணலாம்.

வங்கதேசத்தின் சனாதானி ஜாக்ரன் ஜோட்டின் முக்கிய முகங்களில் ஒருவரான சின்மோய் கிருஷ்ண தாஸ், தேசத்துரோக குற்றச்சாட்டின் கீழ் நவம்பர் 25 அன்று கைது செய்யப்பட்டார். இந்நிலையில், சின்மோய் கிருஷ்ண தாஸின் தண்டனை குறித்த செய்தி சமூக வலைதளங்களில் வைரலாகி வருகிறது. 21 வினாடி வைரல் வீடியோவில் இரண்டு தனித்தனி செய்தி கிளிப்புகள் சேர்க்கப்பட்டுள்ளன. சின்மோய் கிருஷ்ண தாஸை தூக்கிலிட சிட்டகாங் நீதிமன்றம் உத்தரவிட்டுள்ளதாக கூறப்படுகிறது.

வீடியோவின் முதல் 14 வினாடி கிளிப்பில், ஒரு பெண் தொகுப்பாளர், “சிட்டகாங்கில் தேசியக் கொடியை அவமதித்ததற்காக தேசத்துரோக வழக்கில் சம்மிலிதா சனாதனி ஜாக்ரன் ஜோட்டின் செய்தித் தொடர்பாளர் சின்மோய் கிருஷ்ண தாஸை தூக்கிலிட நீதிமன்றம் உத்தரவிட்டுள்ளது. சிட்டகாங் மெட்ரோபாலிட்டன் மாஜிஸ்திரேட் காசி ஷரீபுல் இஸ்லாம் நீதிமன்றம் இந்த உத்தரவை பிறப்பித்துள்ளது” என கூறுவதைக் கேட்கலாம். இரண்டாவது கிளிப்பில், ஒரு ஆண் தொகுப்பாளர், “பார்வையாளர்களே, சிட்டகாங்கில் வழக்கறிஞர் சைபுல் இஸ்லாம் அலிஃப் கொலைக்காக சிட்டகாங்கில் சின்மோய் கிருஷ்ண தாஸை தூக்கிலிட நீதிமன்றம் உத்தரவிட்டுள்ளது” என்று கூறுவதைக் கேட்கலாம்.

இந்தியா டுடே ஃபேக்ட் செக், இரண்டு வைரல் செய்தி கிளிப்புகள் வங்கதேச ஊடகமான ஜமுனா டிவியில் வெளியிடப்பட்ட வெவ்வேறு செய்திகளின் கிளிப்களை எடிட் செய்து உருவாக்கப்பட்டது என கண்டறிந்துள்ளது. சிட்டகாங் நீதிமன்றம் சின்மோய் கிருஷ்ண தாஸுக்கு மரண தண்டனை விதிக்கவில்லை, ஆனால் அவரது வழக்கின் அடுத்த விசாரணையை ஜனவரி 2-ம் தேதி நடத்த உத்தரவிட்டுள்ளது.

உண்மை சரிபார்ப்பு:

முதலாவதாக, சின்மோய் கிருஷ்ண தாஸ் பிரம்மச்சாரி வங்கதேசத்தில் உள்ள இந்துக்களின் முக்கிய பிரசங்கிகள் மற்றும் மதத் தலைவர்களில் ஒருவர். வங்கதேசத்தில் இந்துக்களுக்கு எதிரான சமீபத்திய அட்டூழியங்களுக்கு முக்கிய எதிர்ப்பாளர் ஆவார். எனவே, அவர் தேச துரோக குற்றச்சாட்டிலோ அல்லது வழக்கறிஞர் சைபுல் இஸ்லாம் அலிஃப் கொலை வழக்கிலோ தூக்கிலிடப்பட்டிருந்தால், அது குறித்த செய்திகள் வங்கதேசம் மற்றும் இந்தியாவின் முதல் தர ஊடகங்களில் கண்டிப்பாக வெளியாகியிருக்கும். ஆனால் இது தொடர்பான தேடுதலில் இந்த பதிவின் உண்மையை நிரூபிக்கும் நம்பகமான அறிக்கையோ அல்லது தகவலோ கிடைக்கவில்லை.

மறுபுறம், டிசம்பர் 3, 2024 அன்று, வங்கதேச ஊடகமான பிரதம் ஆலோவில் சின்மோய் கிருஷ்ணா தாஸ் பிரம்மச்சாரி வழக்கு தொடர்பான அறிக்கை கிடைத்தது. அதில், “தேசியக் கொடியை அவமதித்ததாக தேசத்துரோக வழக்கில் கைது செய்யப்பட்ட சம்மிலிதா சனாதானி ஜாக்ரன் ஜோட்டின் செய்தித் தொடர்பாளர் சின்மோய் கிருஷ்ணதாஸ் பிரம்மச்சாரியின் ஜாமீன் மனு மீதான விசாரணை ஒத்திவைக்கப்பட்டுள்ளது. சிட்டகாங் பெருநகர செஷன்ஸ் நீதிபதி எம்.டி.சைபுல் இஸ்லாம், விடுமுறை நீதிமன்றத்தில் செவ்வாய்க்கிழமை விசாரணை நடத்தப்பட்டது. ஆனால், சின்மோய் கிருஷ்ணாவுக்கு வக்கீல் இல்லாததால், ஜாமீன் மனு மீதான விசாரணையை ஒத்திவைத்த நீதிமன்றம், அடுத்த விசாரணையை அடுத்த ஆண்டு ஜனவரி 2-ம் தேதிக்கு நிர்ணயித்துள்ளது.

எனவே, வைரலான வீடியோ மற்றும் கூற்றின் உண்மைத்தன்மையைக் கண்டறிய, அதன் முக்கிய பிரேம்கள் மற்றும் அது தொடர்பான பல முக்கிய வார்த்தைகளைத் தேடியதில் நவம்பர் 26, 2024 அன்று வங்காளதேச ஊடகமான ஜமுனா டிவியின் யூடியூப் சேனலில் பதிவேற்றப்பட்டிருந்த, “சின்மோய் கிருஷ்ண தாஸை தேசத்துரோக வழக்கில் சிறைக்கு அனுப்ப உத்தரவு” என்ற வீடியோ அறிக்கை கிடைத்தது. வைரல் வீடியோவின் முதல் கிளிப் ஜமுனா டிவி வீடியோவைப் போலவே உள்ளது. இரண்டு வீடியோக்களிலும், ஒரே பெண் தொகுப்பாளர் ஒரே உடையில் ஒரே விஷயத்தைச் சொல்வதும், அடிக்கடி ஒரே விஷயத்தைச் சொல்வதும் கேட்கப்படுகிறது.

ஜமுனா டிவியின் யூடியூப் சேனலில் வெளியிடப்பட்ட வீடியோவில், தொகுப்பாளர், “சிட்டகாங்கில் தேசியக் கொடியை அவமதித்ததற்காக தேசத்துரோக வழக்கில் சம்மிலிட் சனாதானி ஜாக்ரன் ஜோட் செய்தித் தொடர்பாளர் சின்மோய் கிருஷ்ண தாஸை சிறைக்கு அனுப்ப நீதிமன்றம் உத்தரவிட்டுள்ளது. சிட்டகாங் மெட்ரோபாலிட்டன் மாஜிஸ்திரேட் காசி ஷரீபுல் இஸ்லாம் நண்பகல் இந்த உத்தரவை பிறப்பித்துள்ளார்…” என கூறுவதைக் கேட்கலாம். வேறுவிதமாக கூறினால், இரண்டு வீடியோக்களையும் கவனமாக கவனித்தால், ஜமுனா டிவியில் தொகுப்பாளர் பேசிய 'ஜெயிலுக்கு அனுப்ப உத்தரவு' என்ற வார்த்தைகள் திருத்தப்பட்டுள்ளன என்பது தெளிவாகிறது. தொழில்நுட்பத்தின் உதவியுடன், 'எக்ஸிகியூஷன் ஆர்டர்' என்ற வார்த்தைகள் அவற்றின் இடத்தில் சேர்க்கப்பட்டுள்ளன.

பின்னர், வைரலான வீடியோவின் இரண்டாவது கிளிப்பைப் பற்றி அறிய மேலும் தேடும்போது, ​​நவம்பர் 27 அன்று ஜமுனா டிவியின் அதிகாரப்பூர்வ யூடியூப் சேனலில் “சின்மோய் தாஸை விடுவிக்கக் கோரி ஊர்வலத்திற்குத் தயாராகும் போது 6 AL தலைவர்கள் மற்றும் ஆர்வலர்கள் கைது செய்யப்பட்டனர்” என அறிக்கை கிடைத்தது. வைரலான வீடியோவின் இரண்டாவது கிளிப் ஜமுனா டிவி வீடியோவைப் போலவே உள்ளது. இரண்டு வீடியோக்களிலும் ஒரே ஆண் ஆங்கர் ஒரே உடையில் காணப்படுகிறார்.

இங்கே, தொகுப்பாளர், “சிட்டகாங்கில் சின்மோய் கிருஷ்ண தாஸை விடுவிக்கக் கோரி ஊர்வலத்திற்குத் தயாராகிக்கொண்டிருந்த 6 தலைவர்கள் மற்றும் செயல்பாட்டாளர்களை போலீசார் கைது செய்துள்ளனர்.” என கூறுவது கேட்கிறது. செவ்வாய்க்கிழமை இரவு நகரின் பஹர்தலியின் சராய்பாரா பகுதியில் இருந்து அவர்கள் கைது செய்யப்பட்டனர். அவர்கள் அனைவரும் மிர்சராய் அப்ஜிலா அவாமி லீக்கின் தலைவர்கள் மற்றும் செயல்பாட்டாளர்கள் என்று போலீசார் தெரிவித்தனர். இந்த விஷயத்திலும் இரண்டு வீடியோக்களையும் அருகருகே வைத்து கவனமாக கவனித்தால், ஜமுனா டிவி வீடியோ தொழில்நுட்பத்தின் உதவியுடன் எடிட் செய்யப்பட்டு, தொகுப்பாளர் பேசிய வார்த்தைகளை மாற்றியமைக்கப்பட்டுள்ளது.

முடிவு:

சின்மோய் கிருஷ்ண தாஸை தூக்கிலிட சிட்டகாங் நீதிமன்றம் உத்தரவிட்டுள்ளதாக ஜமுனா டிவியின் எடிட் செய்யப்பட்ட வீடியோ சமூக வலைதளங்களில் வைரலாகி வருவதை இது நிரூபிக்கிறது.

Note : This story was originally published by ‘AajTak’ and translated by ‘News7 Tamil’ as part of the Shakti Collective.