டெல்லியில் பாலம் இடிந்து விபத்து ஏற்பட்டதாக வைரலாகும் பதிவு உண்மையா?

This News Fact Checked by ‘Vishvas News’

பல்வேறு சமூக ஊடக தளங்களில் ஒரு வீடியோ கிளிப் வைரலாகி வருகிறது. அதில், ஒரு பாலத்தின் அடியில் தீ விபத்து ஏற்பட்டுள்ளது. பின்னர் வீடியோவில், ஒரு பேருந்து பாலத்தின் மீது செல்வதும், திடீரென வெடிப்பு ஏற்படுவதும் தெரிகிறது. இப்போது சில பயனர்கள் இந்த வீடியோவைப் பகிர்ந்துகொண்டு, இந்த வீடியோ டெல்லியில் உள்ள பாராபுலா பாலத்தின் வீடியோ என்றும், அங்குதான் சமீபத்தில் இந்த விபத்து நடந்ததாகவும் கூறுகின்றனர்.

வைரலாகும் காணொளி குறித்த விசாரணையில், அந்தக் கூற்று தவறானது என்று கண்டறியப்பட்டுள்ளது. உண்மையில், வைரலாகும் காணொளி 2023 ஆம் ஆண்டு கராச்சியில் நடந்த ஒரு விபத்தைப் பற்றியது. இந்தக் காணொளி இப்போது டெல்லியிலிருந்து வைரலாவதாக கூறி ஒரு தவறான கூற்றுடன் பகிரப்படுகிறது.

வைரல் பதிவு:

பிப்ரவரி 4 அன்று, ஃபேஸ்புக் பயனர் ராஜு வர்மா ஒரு வீடியோ கிளிப்பை (காப்பக இணைப்பு) பதிவிட்டு, “புது டெல்லியில் ஒரு பெரிய விபத்து நடந்தது #ராஜஸ்தான் செய்திகள் #இந்தியா #இந்தியன்” என்று பகிர்ந்துள்ளார்.

இதே கூற்றுடன் பல பயனர்களும் இந்த வீடியோவைப் பகிர்ந்துள்ளனர்.

உண்மை சரிபார்ப்பு:

வைரலான பதிவின் உண்மையைக் கண்டறிய, இன்விட் கருவியின் உதவியுடன் வீடியோவின் பல கீஃப்ரேம்களைப் பிரித்தெடுத்து, கூகுள் லென்ஸின் உதவியுடன் அவை தேடப்பட்டன. டான்நியூஸின் அதிகாரப்பூர்வ யூடியூப் சேனலில் வைரலான வீடியோ கிடைத்தது. இந்த வீடியோ ஜனவரி 9, 2023 அன்று பதிவேற்றப்பட்டது. வீடியோவுடன் கொடுக்கப்பட்டுள்ள தகவலின்படி, விபத்து தொடர்பான இந்த வீடியோ கராச்சியைச் சேர்ந்தது.

இந்த வைரலான காணொளி தொடர்பான அறிக்கை jang.com.pk என்ற இணையதளத்தில் காணப்பட்டது. இந்த அறிக்கை ஜனவரி 9, 2023 அன்று வெளியிடப்பட்டது. தகவலின்படி, கராச்சியின் சுர்ஜானி டவுன் பகுதியில் ஒரு எரிவாயு சிலிண்டர் வெடிப்பு நிகழ்ந்தது. அதில் பாலத்தின் வழியாகச் சென்ற கிரீன் லைன் பேருந்து மயிரிழையில் தப்பியது.

பத்திரிகையாளர் குலாம் அப்பாஸ் ஷா ட்விட்டரில் பகிர்ந்த ஒரு வைரல் வீடியோ கிடைத்தது. குலாம் அப்பாஸ் தனது சரிபார்க்கப்பட்ட ட்விட்டர் (எக்ஸ்) பக்கத்திலிருந்து ஜனவரி 9, 2023 அன்று இந்த வீடியோவைப் பகிர்ந்துள்ளார். இந்த வீடியோ கராச்சியில் இருந்து வந்ததாகக் கூறப்படுகிறது.

#Pakistan Cylinder explosion in Karachi. Green Line bus narrowly escapes cylinder blast in Sirjani Town, Karachi pic.twitter.com/LjuA0xN9Tw
— Ghulam Abbas Shah (@ghulamabbasshah) January 9, 2023

இந்த காணொளி தொடர்பான செய்திகளை ABP Majha வலைத்தளத்திலும் படிக்கலாம். ஜனவரி 9, 2023 அன்று வெளியிடப்பட்ட செய்தியில், இந்த விபத்து பாகிஸ்தானின் கராச்சியில் நடந்ததாகக் கூறப்பட்டுள்ளது.

வைரல் காணொளி தொடர்பான கூடுதல் செய்திகளை இங்கே படிக்கலாம்.

தெற்கு டெல்லியை தளமாகக் கொண்ட தைனிக் ஜாக்ரனின் தலைமை நிருபர் ஷானி சர்மாவிடம் இதைப்பற்றி கேட்டபோது, அப்படி ஒரு சம்பவம் நடக்கவில்லை என்று அவர் கூறினார். இந்த வைரல் கூற்று போலியானது.

இறுதியாக, காணொளியைப் பகிர்ந்த பயனரின் சுயவிவரத்தை ஸ்கேன் செய்ததில், அந்த பயனருக்கு ஃபேஸ்புக்கில் 5,000 பின்தொடர்பவர்கள் இருப்பது தெரியவந்தது.

முடிவு:

பாலம் இடிந்து விழுந்த வெடிப்பு சம்பவம் புது டெல்லியின் பாராபுலாவில் நடந்ததாகப் பகிரப்படுகிறது. விசாரணையில் இந்தக் கூற்று தவறானது என்று கண்டறியப்பட்டது. உண்மையில், இந்த சம்பவம் 2023 ஆம் ஆண்டு பாகிஸ்தானின் கராச்சியில் நடந்தது. இந்த காணொளி இப்போது டெல்லியின் பெயரில் ஒரு போலி கூற்றுடன் பகிரப்படுகிறது.

Note : This story was originally published by ‘Vishvas News’ and Translated by ‘News7 Tamil’ as part of the Shakti Collective.