கும்பமேளா 12 ஆண்டுகளுக்கு ஒருமுறை கொண்டாடப்படுகிறதா? - மத்திய அமைச்சர் அமித்ஷா கூறியதாக வைரலாகும் கூற்றின் பின்னணி என்ன?

This video is fact checked by ‘Factly‘

மத்திய உள்துறை அமைச்சர் அமித் ஷாவின் மேற்கோள் கொண்ட கிராபிக்ஸ் கார்டு  சமூக ஊடகங்களில் வைரலாகி வருகிறது. ஆங்கிலத்தில் மொழிபெயர்க்கப்பட்ட கிராஃபிக் கூற்றில் , “நான் என் வாழ்க்கையில் 9 முறை கும்ப மேளாவிற்கு சென்றிருக்கிறேன். அர்த்தகும்பத்தையும் பார்த்திருக்கிறேன். இதன் தொடர்ச்சியாக ஜனவரி 27ம் தேதி மகாகும்பத்திற்கு செல்கிறேன். நீங்கள் அனைவரும் செல்ல வேண்டும்.”  வைரல் கார்டில் குறிப்பிடப்பட்டுள்ளது.

12 ஆண்டுகளுக்கு ஒரு முறை கும்பமேளா நடத்தப்படும் போது, ​​அவர் 108 ஆண்டுகளுக்கு முன்பு (12×9=108) முதல் முறையாக கும்பமேளாவுக்குச் சென்றார் என தெரிவித்திருப்பதாக சர்ச்சையானது.  ​​அவர் எப்படி 9 முறை கும்பமேளாவிற்கு  சென்றிருக்க முடியும் என்று பயனர்கள் இதைப் பகிர்ந்துகொண்டு சந்தேகம் தெரிவிக்கின்றனர். அரசாங்கத்தின் அதிகாரப்பூர்வ பதிவுகளின்படி,  அமித்ஷாவுக்கு 60 வயது எனவும் அவர்கள் குறிப்பிட்டிருந்தனர்.

வைரல் கூற்றின் உண்மைத்தன்மையை சரிபார்க்க, நாங்கள் ஒரு முக்கிய தேடலைச் செய்தோம். மேலும் வைரல் இடுகையில் காணப்பட்ட கிராஃபிக் கார்டை முதலில் நியூஸ் 24 ஆல் பதிவேற்றப்பட்டது ( இங்கும் இங்கும் ) என்பதைக் கண்டறிந்தோம் (அதன் லோகோவை வைரல் கிராஃபிக் கார்டிலும் காணலாம்.)

"मैं अपने जीवन में 9 बार कुंभ में गया हूं, अर्धकुंभ भी देखा है"

◆ केंद्रीय गृह मंत्री अमित शाह ने कहा@AmitShah | #AmitShah | #Mahakumbh | Amit Shah pic.twitter.com/RC7jzDEfIA

— News24 (@news24tvchannel) January 24, 2025

23 ஜனவரி 2025 அன்று குஜராத் மாநிலம் அகமதாபாத்தில் நடைபெற்ற இந்து அத்யாத்மிக் மற்றும் சேவா மேளாவின் தொடக்கக் கூட்டத்தின் போது அமித் ஷா இவ்வாறு பேசியுள்ளதாக கூடுதல் தேடுதலில் தெரியவந்தது . அமித்ஷாவின் அதிகாரப்பூர்வ  சேனலில் பதிவேற்றப்பட்ட உரையில் , அவர் இவற்றைச் சொல்வதை பார்க்கலாம்.  சரியாக 11:53  நிமிடத்தில்  கும்பமேளாவிற்கு வருகை தருமாறு இந்தக் கூட்டத்தின் பார்வையாளர்களிடம் அவர் வேண்டுகோள் விடுத்து, ' நான் என் வாழ்க்கையில் 9 முறை கும்பத்திற்குச் சென்றிருக்கிறேன். அர்த்தகும்பத்தையும் பார்த்திருக்கிறேன். நான் ஜனவரி 27ம் தேதி மகாகும்பத்திற்கு செல்கிறேன். நீங்கள் அனைவரும் செல்ல வேண்டும்.” என குறிப்பிட்டுள்ளார். 

கும்பமேளா 12 ஆண்டுகளுக்கு ஒருமுறை நடத்தப்படுகிறது என்று பதிவில் கூறப்பட்டுள்ளதை சரிபார்த்தோம். கும்பமேளா ஒவ்வொரு 12 வருடங்களுக்கும் நான்கு முறை நடத்தப்படுகிறது என்று அதிகாரப்பூர்வ 'இந்திய அரசின்' இணையதளங்களில்  ( இங்கேயும் இங்கேயும் ) கட்டுரைகளைக் கண்டோம் .

Indiaculture.gov.in இன் படி , “இது ஒவ்வொரு 12 வருடங்களுக்கும் நான்கு முறை கொண்டாடப்படுகிறது, அலகாபாத், ஹரித்வார், உஜ்ஜைன் மற்றும் நாசிக் ஆகிய நான்கு புனித நதிகளில் நான்கு புனித யாத்திரைகளுக்கு இடையே சுழலும் இடமாகும். அர்த்த (அரை) கும்பமேளா ஒவ்வொரு ஆறாவது ஆண்டு ஹரித்வார் மற்றும் அலகாபாத் ஆகிய இரண்டு இடங்களில் மட்டுமே நடைபெறும். மேலும் 144 ஆண்டுகளுக்கு ஒருமுறை மகா கும்பம் நடத்தப்படுகிறது.

ஜோதிடக் கணக்கீடுகளின் அடிப்படையில்   இந்த நான்கு இடங்களில் கும்பமேளா கொண்டாடப்படுகிறது . 12 ஆண்டுகளுக்கு ஒருமுறை கும்பமேளா கொண்டாடப்படும் என்று கூறி வைரல் பதிவை பகிரும் பயனர்கள் தவறாக வழிநடத்துகிறார்கள் என்பதை இது தெளிவாக்குகிறது. அமித் ஷா தனது உரையில் அர்த்த கும்பமேளா உட்பட 9 முறை கும்பமேளாவுக்குச் சென்றதாகக் கூறினார் (இது வைரலான கிராஃபிக்கிலும் காணப்படுகிறது.)

எனவே மொத்தத்தில், கும்பமேளா 12 ஆண்டுகளுக்கு ஒரு முறை அல்ல, ஒவ்வொரு 12 வருடங்களுக்கும் நான்கு முறை கொண்டாடப்படுகிறது என்பது தெளிவாகிறது.

முடிவு : 

12 ஆண்டுகளுக்கு ஒருமுறை நடக்கும் கும்பமேளாவை தனது வாழ்நாளில் 9 முறை (12×9=108) பார்வையிட்டதாக அமித் ஷா கூறினார் என சமூக வலைதளங்களில் கூற்று வைரலானது. இதுகுறித்து ஃபேக்ட்லி நடத்திய ஆய்வில் கும்பமேளா 12 ஆண்டுகளுக்கு ஒரு முறை அல்ல, ஒவ்வொரு 12 வருடங்களுக்கும் நான்கு முறை கொண்டாடப்படுகிறது என்பது தெளிவாகிறது.

Note : This story was originally published by ‘Factly’ and Translated by ‘News7 Tamil’ as part of the Shakti Collective.