புஷ்பா 2 படத்தில் கிரிக்கெட் வீரர் க்ருணால் பாண்டியா நடித்துள்ளாரா? - வைரலாகும் பதிவு உண்மையா?

This news Fact checked by Vishvas News

புஷ்பா 2 படத்தில் கிரிக்கெட் வீரர் க்ருணால் பாண்டியா நடித்ததாக சமூக வலைதளங்களில் பதிவுகள் வைரலானது. இதுகுறித்து உண்மைத் தன்மையை விரிவாக காணலாம்.

'புஷ்பா 2' உலகம் முழுக்க இந்தியர்கள் நல்ல வரவேற்பை மட்டுமல்லாது பாக்ஸ் ஆபிஸில் மாபெரும் வெற்றி பெற்று சாதனை படைத்துள்ளது. இந்நிலையில், க்ருனால் பாண்டியாவின் புகைப்படம் சமூக வலைதளங்களில் வெளியாகி வைரலாகி வருகிறது. 'புஷ்பா 2' படத்தில் க்ருணால் பாண்டியா நடித்துள்ளதாக அந்த பதிவில் கூறப்பட்டுள்ளது, மேலும் பல பயனர்கள் இந்த கூற்றை உண்மை என நம்பி பகிர்ந்து வருகின்றனர்.

விஸ்வாஸ் நியூஸ் வைரலான கூற்றை ஆராய்ந்து அது போலியானது என்று கண்டறிந்தது. இப்படத்தில் புக்கா ரெட்டி கதாபாத்திரத்தில் தெலுங்கு நடிகர் தாரக் பொன்னப்பாதான் நடித்துள்ளார் என்றும் க்ருணால் பாண்டியா அல்ல என்பதும் விசாரணையில் தெரியவந்தது.

டிசம்பர் 16, 2024 அன்று, பேஸ்புக் பயனர் ' அருண் குமார் பாஸ்வான்' வைரலான பதிவை "புஷ்பா 2 படத்தில் கிருனால் பாண்டியா பார்த்தாயா" என்ற தலைப்புடன் பகிர்ந்துள்ளார்.

'HAPPY Target' எனும் மற்றொரு பயனர் டிசம்பர் 17, 2024 அன்று இடுகையைப் பகிர்ந்துகொண்டு, "புஷ்பா 2' இல் க்ருனால் பாண்டியாவின் கேமியோவை நீங்கள் எப்படி ரசித்தீர்கள்?" என்று எழுதினார்.

உண்மை சரிபார்ப்பு :

வைரலான பதிவுகளை விசாரிக்க, தொடர்புடைய முக்கிய வார்த்தைகளைப் பயன்படுத்தி Google தேடலை நடத்தினோம். டிசம்பர் 11, 2024 அன்று வெளியிடப்பட்ட டைனிக் ஜாக்ரனின்  இணையதளத்தில் ஒரு செய்திக் கட்டுரையை நாங்கள் கண்டோம் . 'புஷ்பா 2' படத்தில் வில்லன் 'புக்கா ரெட்டி' வேடத்தில் நடிகர் தாரக் பொன்னப்பா நடித்ததாக அந்த அறிக்கையில் தெரிவிக்கப்பட்டுள்ளது. இருப்பினும், இது க்ருணால் பாண்டியாவின் படம் எனக் கூறி மக்கள் பகிர்ந்து வருகின்றனர்.

'புஷ்பா 2' படத்தில் நடிகர் தாரக் பொன்னப்பா நடித்தார், க்ருணால் பாண்டியா அல்ல என்பதை உறுதிப்படுத்திய செய்திகள் தொடர்பான பல செய்திகளை நாங்கள் பார்த்தோம் . எங்கள் விசாரணையின் போது, ​​தாரக் பொன்னப்பாவின் இன்ஸ்டாகிராம் கணக்கில், டிசம்பர் 11, 2024 அன்று பகிரப்பட்ட ஒரு இடுகை கிடைத்தது. அந்த இடுகையில், அவர் க்ருணால் பாண்டியாவின் இடுகையின் ஸ்கிரீன் ஷாட்டைப் பகிர்ந்துள்ளார், இது தாரக் பொன்னப்பா தான், க்ருனால் பாண்டியா அல்ல என்று தெளிவுபடுத்தினார்.

க்ருனால் பாண்டியாவிற்கும் தாரக் பொன்னப்பாவிற்கும் உள்ள வித்தியாசத்தை கீழே உள்ள படத்தொகுப்பில் காணலாம்.

மும்பையைச் சேர்ந்த மூத்த பொழுதுபோக்கு பத்திரிகையாளரான பராக் சாபேகரை நாங்கள் தொடர்புகொண்டோம், அவர் வைரலானது தவறானது என்பதை உறுதிப்படுத்தினார். 'புஷ்பா 2' படத்தில் க்ருணால் பாண்டியா இல்லை என்றும் அவர் தெளிவுபடுத்தினார். க்ருனால் பாண்டியா என கூறப்படும் படம் உண்மையில் நடிகர் தாரக் பொன்னப்பாவின் படம்.

கடைசியாக, இடுகையைப் பகிர்ந்த பயனரின் சுயவிவரத்தை ஸ்கேன் செய்தோம். பயனருக்கு சுமார் 15000 பின்தொடர்பவர்கள் உள்ளனர் மற்றும் பீகாரின் அராரியாவில் வசிப்பவர் என அடையாளப்படுத்துகிறார்.

முடிவு: 

புஷ்பா 2 படத்தில் கிரிக்கெட் வீரர் க்ருணால் பாண்டியா நடித்ததாக கூறப்பட்டது. விஸ்வாஸ் நியூஸின் உண்மை சரிபார்ப்பில் இந்தக் கூற்று போலியானது என்பதைக் கண்டறிந்தது. இந்தப் படம் க்ருனால் பாண்டியாவின் படம் அல்ல, தெலுங்கு நடிகர் தாரக் பொன்னப்பாவின் படம் என்பது உறுதியாகியுள்ளது.

Note : This story was originally published by Vishvas News and translated by ‘News7 Tamil’ as part of the Shakti Collective.