இசை வெளியீட்டு விழாவுக்கு முன்பே வெளியாகும் 'இந்தியன் 2' பாடல்கள் - படக்குழு அறிவிப்பு!

இந்தியன் 2 திரைப்படத்தின் இசை வெளியீட்டு விழா இன்று மாலை 6 மணிக்கு நடைபெறவுள்ள நிலையில்,  மதியம் 3 மணிக்கே பாடல்கள் அனைத்தும் வெளியாகும் என படக்குழு அறிவித்துள்ளது. 

ஷங்கர் இயக்கத்தில் கமல்ஹாசன் நடிப்பில் வெளிவந்த மிகப்பெரிய வெற்றி திரைப்படம் “இந்தியன்”. இந்த திரைப்படத்தின் இரண்டாம் பாகம் தற்போது உருவாகி வருகிறது. இதில் சமுத்திரகனி, பாபி சிம்ஹா, காஜல் அகர்வால், சித்தார்த், ரகுல் ப்ரீத் சிங், ப்ரியா பவானி சங்கர் உள்ளிட்ட பலரும் முக்கிய கதாபாத்திரத்தில் நடித்துள்ளனர். படத்தின் இறுதிக்கட்ட பணிகள் விறுவிறுப்பாக நடைபெற்று வருகிறது.

இத்திரைப்படம் வரும் ஜூலை மாதம் 12-ம் தேதி திரையரங்குகளில் வெளியாகவுள்ளது. இதனால் படத்தின் புரமோஷன் வேலைகளில் படக்குழுவினர் தீவிரமாக இறங்கியுள்ளனர்.  படத்தின் முதல் பாடலான ‘பாரா’ பாடல் வெளியாகி கலவையான வரவேற்பை பெற்றது. இப்படத்தின் இசை வெளியீட்டு விழா ஜூன் 1-ம் தேதி நடைபெற உள்ள நிலையில் அதற்கான வேலைகளில் படக்குழு ஈடுபட்டு வருகிறது.

படத்தின் மீதான எதிர்பார்ப்பை அதிகரிக்கும் விதமாக நாளுக்கு நாள் ஒரு அப்டேட் வெளியாகி கொண்டிருக்கிறது. இப்படத்தின் இரண்டாவது பாடலான ‘நீலோற்பலம்’ பாடல் வெளியாகி நல்ல வரவேற்பை பெற்றது.  இப்படத்தின் இசை வெளியீட்டு விழா எங்கு எப்போது வெளியாகும் என ரசிகர்கள் பெரும் எதிர்பார்ப்புடன் காத்திருந்தனர்.

இதனிடையே, இந்தியன் 2 படத்தின் இசை வெளியீட்டு விழா இன்று மாலை 6 மணிக்கு சென்னை நேரு ஸ்டேடியத்தில் நடைபெற உள்ளது.  இதில் மம்முட்டி, மோகன்லால், சிரஞ்சீவி, சிவராஜ் குமார், விஜய் சேதுபதி உள்ளிட்ட பலர் கலந்து கொள்கின்றனர்.  இந்த நிலையில் இசை வெளியீட்டு விழாவுக்கு முன்பாகவே பாடல்கள் வெளியாகுமென படக்குழு அறிவித்துள்ளது.  அதாவது இன்று மதியம் 3 மணிக்கே பாடல்கள் அனைத்தும் வெளியாகும் என லைகா நிறுவனம் தெரிவித்துள்ளது.

Brace yourselves for the sounds of INDIAN-2 🇮🇳💥 Audio releasing today with a Grand Audio Launch Event! 🥁 Let the beats & tunes take center stage! 🏟️✨#Indian2 🇮🇳 Ulaganayagan @ikamalhaasan @shankarshanmugh @anirudhofficial @LycaProductions #Subaskaran @RedGiantMovies_… pic.twitter.com/f8rI9WJ5Wt

— Lyca Productions (@LycaProductions) June 1, 2024