இந்தியா - தென்னாப்பிரிக்கா கிரிக்கெட் போட்டிகள்: முகமது ஷமி, தீபக் சாஹர் திடீர் விலகல்!

தென்னாப்பிரிக்கா சுற்றுப்பயணம் மேற்கொண்டு விளையாடி வரும் இந்திய அணியின் ஒருநாள் போட்டிகள் நாளை முதல் தொடங்கவுள்ள நிலையில், தீபக் சாஹர் விலகியுள்ளார்.

இந்திய அணி தென்னாப்பிரிக்காவில் சுற்றுப்பயணம் மேற்கொண்டு 3 T20 போட்டிகள், 3 ஒருநாள் போட்டிகள் மற்றும் 2 டெஸ்ட் போட்டிகள் கொண்ட தொடரில் விளையாடி வருகிறது. இரு அணிகளுக்கு இடையே நடந்த டி20 தொடரில் இரு அணிகளும் 1-1 என சமனிலை வகித்தன. இந்தியா, தென்னாப்பிரிக்கா மோதும் முதல் ஒருநாள் போட்டி நாளை தொடங்குகிறது.

இந்நிலையில், ஒருநாள் போட்டிக்கான தொடரில் இருந்து தீபக் சாஹர் திடீரென விலகியுள்ளார். அவர் தனது சொந்த காரணமாக விலகியுள்ளார் என பிசிசிஐ தெரிவித்துள்ளது. எனவே, அவருக்கு பதிலாக ஆகாஷ் தீப் சேர்க்கப்பட்டுள்ளார்.
இதேபோல், டெஸ்ட் தொடரில் இருந்து வேகப்பந்து வீச்சாளர் முகமது சமி காயம் காரணமாக விலகியுள்ளார். அவருக்கு நடத்தப்பட்ட மருத்துவ பரிசோதனையின் முடிவில் அவர் நீக்கப்பட்டுள்ளார் எனவும் பிசிசிஐ அறிவித்துள்ளது.

ஒருநாள் தொடருக்கான இந்திய அணியில் இடம் பெற்றுள்ள வீரர்கள்:

ருத்ராஜ் கெயிக்வாட்
சாய் சுதர்சன்
திலக் வர்மா
ரஜத் படிதார்
ரிங்கு சிங்
ஸ்ரேயாஸ் அய்யர்
கே.எல்.ராகுல் (கேப்டன்)
சஞ்சு சாம்சன்
அக்சர் படேல்
வாஷிங்டன் சுந்தர்
குல்தீப் யாதவ்
சஹல்
முகேஷ் குமார்
ஆவேஷ் கான்
அர்ஷ்தீப் சிங்
ஆகாஷ் தீப்