“விளம்பரங்களை பிளாக் செய்தால் இனி...” - யூடியூப் நிர்வாகம் அதிரடி!
கூகுளின் தரம் சிறந்த படைப்புகளில் ஒன்றான யூடியூபில் ’ஆட் பிளாக்கர்’ செயலி உபயோகித்து விளம்பரத்தை தவிர்ப்பவர்களுக்கு அந்நிர்வாகம் சிறப்பான பதிலடி கொடுக்கும் வகையில் வசதி ஒன்றை அறிமுகப்படுத்தியுள்ளது.
கூகுளின் வீடியோ தளமான யூடியூப் செயலி விளம்பரம் வாயிலாக தனது வருவாயை ஈட்டிவருகிறது. யூடியூப் வீடியோக்களின் இடையிடையே தோன்றும் இந்த விளம்பரங்களே யூடியூப் நிர்வாகத்திற்கு ஆதாரமாக அமைந்துள்ளன. ஆனால் சில பயனர்கள் இந்த விளம்பரங்களை தவிர்ப்பதற்கு சில தொழில்நுட்பங்களை (ஆட் பிளாக்கர்) பயன்படுத்தி வருகின்றனர்.
எனினும், கணிசமான பயனர்கள் யூடியூப் நிர்வாகத்தின் அறிவுறுத்தலுக்கு இசைவதாக தெரியவில்லை. இதனிடையே, அம்மாதிரியான மூன்றாம் தரப்பு ஆட்பிளாக்கர்களை பயன்படுத்தும் பயனர்கள் முழுமையாக வீடியோக்களை காண்பதற்கு வழியின்றி யூடியூப் நடவடிக்கை எடுக்க ஆரம்பித்தது. இதனால் ஆட் பிளாக்கர் பயன்படுத்தும் பயனர்கள், யூடியூப் வீடியோவை முழுமையாக காண முடியாமல் இருந்தது.
