"விவசாயம், வேலைவாய்ப்பு போன்ற 9 அம்சங்களுக்கு முன்னுரிமை" - நிதியமைச்சர் நிர்மலா சீதாராமன்!

வரும் ஆண்டுகளில் விவசாயம், வேலைவாய்ப்பு போன்ற 9 துறைகளில் அரசு முன்னுரிமை செலுத்தும் என நிதியமைச்சர் நிர்மலா சீதாராமன் தெரிவித்துள்ளார். 

தனது 7வது பட்ஜெட்டை இன்று தாக்கல் செய்தார்நிதியமைச்சர் நிர்மலா சீதாராமன். 1959-ம் ஆண்டு முதல் 1964 வரையில் நாட்டின் நிதி அமைச்சராக இருந்த மொரார்ஜி தேசாய் அதிகபட்சம் தொடர்ந்து 6 பட்ஜெட்களை தாக்கல் செய்துள்ளார். தற்போதைய நிதியமைச்சர் நிர்மலா சீதாராமன் இன்று தனது ஏழாவது பட்ஜெட்டை தாக்கல் செய்து, முந்தைய தேசாய் சாதனையை முறியடித்துள்ளார்.

இந்நிலையில் வரும் ஆண்டுகளில் அரசு 9 துறைகளில் முன்னுரிமை செலுத்தும் என பட்ஜெட் தாக்கலில் தெரிவித்துள்ளார். அவை பின்வருமாறு:

1. விவசாய உற்பத்தி அதிகரிப்பு
2. வேலைவாய்ப்பு மற்றும் திறன் வளர்ப்பு
3. மனித வள மேலாண்மை மற்றும் சமூகநீதி
4. உற்பத்தி & சேவைகள்
5. நகர்ப்புற வளர்ச்சி
6. ஆற்றல் பாதுகாப்பு
7. உட்கட்டமைப்பு
8. புத்தாக்கம் மற்றும் ஆராய்ச்சி
9. அடுத்த தலைமுறைக்கான சீர்திருத்தங்கள்