Gold Rate | மீண்டும் மீண்டுமா....ஒரே நாளில் 2-வது முறையாக உயர்ந்த தங்கம் விலை!

சர்வதேச பொருளாதார நிலவரத்துக்கு ஏற்ப இந்தியாவில் தங்கத்தின் விலை அவ்வப்போது உயர்ந்தும், குறைந்தும் வருகிறது. கடந்த சில மாதங்களாக தங்கம் புதிய உச்சம் தொட்டு வருகிறது. அந்த வகையில், தங்கம் விலை கடந்த 17-ம் தேதி வரலாறு காணாத வகையில் உயர்ந்து ஒரு கிராம் ரூ.12,200-க்கும், சவரன் ரூ. 97,600-க்கும் விற்பனை ஆனது. தொடர்ந்து தங்கம் விலை ஏற்ற இறக்கத்தை சந்தித்து வந்தது.

அதன்படி, தங்கம் விலை நேற்று ஒரே நாளில் கிராமுக்கு ரூ.375-ம், சவரனுக்கு ரூ.3 ஆயிரமும் குறைந்து, ஒரு கிராம் ரூ.11 ஆயிரத்து 75-க்கும், ஒரு சவரன் ரூ.88 ஆயிரத்து 600-க்கும் விற்பனையானது. இதனிடையே இன்று காலை தங்கம் விலை உயர்ந்துள்ளது. கிராமுக்கு 135 ரூபாய் உயர்ந்து ஒரு கிராம் ரூ.11 ஆயிரத்து 210-க்கும், சவரனுக்கு 1,080 ரூபாய் உயர்ந்து ஒரு சவரன் ரூ.89ஆயிரத்து 680-க்கும் விற்பனையானது.

இந்த நிலையில் இன்று ஒரேநாளில் 2-முறையாக தங்கம் விலை உயர்ந்துள்ளது. அதன்படி கிராமுக்கு ரூ.115-ம், சவரனுக்கு ரூ.920-ம் உயர்ந்து ஒரு கிராம் தங்கம் ரூ.11,325-க்கும், சவரன் ரூ.90,600-க்கு விற்பனை செய்யப்படுகிறது. வெள்ளி விலை மாற்றமின்றி அதே விலையில் நீடிக்கிறது.