Gold Rate | மீண்டும் உயர்ந்த தங்கம் விலை - இன்றைய நிலவரம் என்ன?

கடந்த சில மாதங்களாக தங்கம் புதிய உச்சம் தொட்டு வருகிறது. அந்த வகையில், தங்கம் விலை கடந்த 17-ம் தேதி வரலாறு காணாத வகையில் உயர்ந்து ஒரு கிராம் ரூ.12 ஆயிரத்து 200-க்கும், சவரன் ரூ.97ஆயிரத்து 600-க்கும் விற்பனை ஆனது. தொடர்ந்து தங்கம் விலை ஏற்ற இறக்கத்தை சந்தித்து வந்தது.

தங்கம் விலை நேற்று சவரனுக்கு ரூ.1,600 உயர்ந்து ஒரு சவரன் ரூ.93,760-க்கு விற்பனை செய்யப்பட்டது. இந்த நிலையில் இன்றும் தங்கம் விலை உயர்ந்துள்ளது. அதன் படி இன்று சென்னையின் ஆபரண தங்கத்தின் விலை கிராமுக்கு ரூ.80 உயர்ந்து ஒரு கிராம் ரூ.11,800-க்கும், சவரனுக்கு ரூ.640 உயர்ந்து ஒரு சவரன் ரூ.94,400-க்கும் விற்பனையாகிறது. அதேபோல் வெள்ளியும் 1 கிராம் ரூ.2 உயர்ந்து ரூ.176-க்கு விற்பனையாகிறது.