For the best experience, open
https://m.news7tamil.live
on your mobile browser.
Advertisement

அதிரடியாக குறைந்த தங்கம் விலை - இன்றைய நிலவரம்?

சென்னையில் ஆபரண தங்கத்தின் விலை ரூ.205 குறைந்து ஒரு சவரன் ரூ.70 ஆயிரத்து 200-க்கு விற்பனை செய்யப்படுகிறது.
10:38 AM May 01, 2025 IST | Web Editor
அதிரடியாக குறைந்த தங்கம் விலை   இன்றைய நிலவரம்
Advertisement

தமிழ்நாட்டில் சென்னை போன்ற முக்கிய நகரங்களில் தங்கத்தின் வர்த்தகம் மிகவும் அதிகமாக உள்ளது. சர்வதேச பொருளாதார நிலவரத்துக்கு ஏற்ப இந்தியாவில் தங்கத்தின் விலை அவ்வப்போது உயர்ந்தும், குறைந்தும் வருகிறது.

Advertisement

அந்த வகையில், கடந்த சில தினங்களுக்கு முன்பு விலை அதிரடியாக குறைந்த நிலையில் தங்கம் ஒரு சவரன் ரூ.65 ஆயிரத்து 800-க்கும் விற்பனை செய்யப்பட்ட நிலையில் படிப்படியாக உயர்ந்த தங்கம் விலை சமீபத்தில் ரூ.74 ஆயிரத்தை கடந்து வரலாற்றில் புதிய உச்சத்தை தொட்டது.

இதனையடுத்து, தங்கம் விலை தொடர்ந்து ஏற்ற இறக்கத்தை சந்தித்து வந்தது. இதனிடையே, நேற்று தங்கம் விலை மாற்றமின்றி ஒரு கிராம் ரூ.8 ஆயிரத்து 980க்கும், சவரன் ரூ.71 ஆயிரத்து 840-க்கும் விற்பனை செய்யப்பட்டது.

இந்த நிலையில், மாத தொடக்க நாளான இன்று தங்கம் விலை அதிரடியாக குறைந்துள்ளது. அதன்படி, சென்னையில் இன்று தங்கம் விலை கிராமுக்கு ரூ.205 குறைந்து ஒரு கிராம் ரூ.8 ஆயிரத்து 775-க்கும் சவரனுக்கு ரூ.1,640 குறைந்து ஒரு சவரன் ரூ.70 ஆயிரத்து 200-க்கு விற்பனை செய்யப்படுகிறது. தொடர்ந்து வெள்ளி விலையும் குறைந்துள்ளது. கிராமுக்கு இரண்டு ரூபாய் குறைந்து ஒரு கிராம் வெள்ளி 109 ரூபாய்க்கும் கிலோவுக்கு இரண்டாயிரம் குறைந்து ஒரு கிலோ வெள்ளி ரூ.1 லட்சத்து 9 ஆயிரத்துக்கும் விற்பனை செய்யப்படுகிறது.

Tags :
Advertisement