'மதகஜராஜா' படத்தின் கிளிம்ப்ஸ் வீடியோ வெளியீடு!

சுந்தர்சி இயக்கத்தில் விஷால் நடித்துள்ள மதகஜராஜா படத்தின் காமெடி க்ளிம்ப்ஸ் வீடியோ வெளியாகியுள்ளது.

தமிழ் திரையுலகின் முன்னணி நடிகர்களில் ஒருவர் விஷால். செல்லமே திரைப்படம் மூலம் திரையுலகில் அறிமுகம் ஆன இவர் சண்டக்கோழி, தாமிரபரணி என பல அதிரடி ஹிட் படங்களை கொடுத்து டாப் நடிகளில் ஒருவராக உள்ளார்.

இவரது நடிப்பில் சுந்தர் சி இயக்கத்தில் கடந்த 2013-ம் ஆண்டு உருவான படம் மதகஜராஜா. இந்த படம் சில சூழ்நிலை காரணமாக திரைக்கு வராமல் இருந்தது.  இப்படத்தில் விஷால் உடன் சந்தானம், வரலட்சுமி, சதீஷ், நிதின் சத்யா, சோனுசூட், அஞ்சலி, மறைந்த நடிகர்கள் மணிவண்ணன், மனோபாலா, மயில்சாமி உள்ளிட்ட பலர் நடித்துள்ளனர். விஜய் ஆன்டணி இசையமைத்துள்ள இப்படத்திற்கு ரிச்சர்ட் எம்.நாதன் ஒளிப்பதிவு செய்துள்ளார்.

இந்த படம் பொங்களை முன்னிட்டு வருகிற 12 ஆம் தேதி வெளியாகவுள்ளது. இப்படத்தின் ப்ரொமோஷன் பணிகள் தற்பொழுது தீவிரமாக நடைபெற்று வருகின்றன. இந்த நிலையில் இப்படத்தின் காமெடி க்ளிம்ப்ஸ் வீடியோவை படக்குழு வெளியிட்டுள்ளது.