1992 மும்பை கலவரத்திற்காக உத்தவ் தாக்கரே மன்னிப்பு கேட்டாரா?

This News Fact Checked by ‘Factly’

1992-ம் ஆண்டு மும்பை கலவரத்தில் சிவசேனாவின் பங்கிற்கு உத்தவ் தாக்கரே முஸ்லிம் தலைவர்களிடம் மன்னிப்பு கேட்டதாக பதிவு ஒன்று வைரலாகி வருகிறது. இதுகுறித்த உண்மை சரிபார்ப்பை காணலாம்.

உத்தவ் தாக்கரே இடம்பெறும் ராஷ்ட்ரிய உஜாலா வெளியிட்ட செய்தித்தாள் கிளிப்பிங்கின் புகைப்படம் (இங்கே, இங்கே மற்றும் இங்கே) சமூக ஊடகங்களில் பரவலாகப் பகிரப்படுகிறது. 1992-ம் ஆண்டு மும்பை கலவரத்தில் சிவசேனாவின் பங்கிற்கு உத்தவ் தாக்கரே முஸ்லிம் தலைவர்களிடம் மன்னிப்பு கேட்டதாக அந்த கட்டுரையில் கூறப்பட்டுள்ளது. அதே கிளிப்பிங் மராத்தி மொழியிலும் வைரலாகியுள்ளது. இதுகுறித்த உண்மை சரிபார்ப்பை காணலாம்.

முதலில், உத்தவ் தாக்கரே அத்தகைய அறிக்கையை வெளியிட்டாரா என்பதை அறிய இதுகுறித்து இணையத்தில் தேடப்பட்டது. ஆனால் அதை உறுதிப்படுத்தும் நம்பகமான அறிக்கைகள் எதுவும் கிடைக்கவில்லை. ராஷ்ட்ரிய உஜாலா என்ற செய்தி நிறுவனத்தின் இணையதளம் மற்றும் சமூக ஊடகக் பக்கங்களும் ஆய்வு செய்யப்பட்டது. ஆனால் அவர்களால் வெளியிடப்பட்ட கட்டுரை எதுவும் கிடைக்கவில்லை. கிளிப்பிங் வைரலானபோது, ​​ராஷ்ட்ரிய உஜாலா ஒரு விளக்கத்தை (காப்பகம்) வெளியிட்டது. அதில், அவர்கள் அந்தக் கட்டுரையை வெளியிடவில்லை என்று தெரிவிக்கப்பட்டுள்ளது.

கட்டுரையில் பெயரிடப்பட்டுள்ள எழுத்தாளர் பிரணவ் டோக்ரா, தங்கள் பத்திரிகையுடன் தொடர்புடையவர் அல்ல என்றும் அவர்கள் குறிப்பிட்டுள்ளனர். மேலும், தங்கள் பத்திரிகையின் பெயரைக் கெடுக்கும் இந்தப் பொய்ச் செய்தியை உருவாக்குதல், பரப்புதல் ஆகியவற்றுக்குப் பொறுப்பான அனைத்து தனிநபர்கள் மற்றும் நிறுவனங்கள் மீது கடுமையான சட்ட நடவடிக்கை எடுக்கப்படும் என்று நிர்வாகம் அறிவித்தது. ஆஜ் தக்கிற்கு அளித்த பேட்டியில், ராஷ்ட்ரிய உஜாலாவின் இயக்குனர் ஜோதி நரேன், செய்தித்தாள் இ-பேப்பராக பிரத்தியேகமாக வெளியிடப்படுவதாகவும், அதன் அச்சு பதிப்பு நீண்ட காலத்திற்கு முன்பே நிறுத்தப்பட்டதாகவும் தெரிவித்தார்.

கூடுதலாக, அதே கிளிப்பிங் மராத்தியில் வைரலானபோது, ​​சிவசேனா (இங்கு) இது போலியானது மற்றும் புனையப்பட்டது என்று கண்டனம் தெரிவித்துள்ளது.

முடிவு:

1992 மும்பை கலவரத்திற்கு உத்தவ் தாக்கரே மன்னிப்புக் கேட்டதாக பொய்யாகக் கூறி, ஒரு ஜோடிக்கப்பட்ட செய்தி கிளிப்பிங் பகிரப்படுகிறது.

Note : This story was originally published by ‘Factly’ and translated by ‘News7 Tamil’ as part of the Shakti Collective.