அரவிந்த் கெஜ்ரிவாலை விமர்சித்து டெல்லி முதலமைச்சர் ரேகா குப்தா பதிவு ஒன்றை வெளியிட்டாரா?
This News Fact Checked by ‘Vishvas News’
2025 ஐசிசி சாம்பியன்ஸ் டிராபியில் பாகிஸ்தானை இந்தியா வென்ற பிறகு, டெல்லி முதலமைச்சர் ரேகா குப்தாவுடன் தொடர்புடைய ஒரு பதிவு சமூக ஊடகங்களில் வைரலாகி வருகிறது. சில பயனர்கள் அந்த ட்விட்டர் பதிவின் ஸ்கிரீன்ஷாட்டைப் பகிர்ந்து வருகின்றனர். ஸ்கிரீன்ஷாட்டில் சுயவிவரப் படத்தில் ரேகா குப்தாவின் படம் உள்ளது. அந்த கணக்கின் பெயர் ரேகா குப்தா என்று குறிப்பிடப்பட்டிருந்தது. பாகிஸ்தானின் வெற்றிக்காக அரவிந்த் கெஜ்ரிவால் வைத்திருந்த பட்டாசுகள் வீணாகிவிட்டதாக அந்த பதிவில் குறிப்பிடப்பட்டிருந்தது. சில பயனர்கள் இந்தப் பதிவைப் பகிர்ந்து, டெல்லி முதலமைச்சர் ரேகா குப்தா இதனைப் பதிவிட்டதாகக் கூறி வருகின்றனர்.
இதுகுறித்த விசாரணையில், வைரல் பதிவு ரேகா குப்தாவின் பெயரில் உள்ள ஒரு போலி ட்விட்டர் கணக்கிலிருந்து பதிவிடப்பட்டது தெரியவந்தது. ரேகா குப்தாவின் உண்மையான ட்விட்டர் முகவரி ரேகா குப்தா @gupta_rekha ஆகும். ஆனால் வைரல் பதிவு, ரேகா குப்தா @RekhaGuptaDelhi என்ற கணக்கிலிருந்து பதிவிடப்பட்டிருந்தது. வைரலாகும் பதிவினை பதிவிட்ட ட்விட்டர் கணக்கின் பையோவில், ரேகா குப்தா பெயரில் உள்ள பகடிப் பக்கம் என்று குறிப்பிடப்பட்டுள்ளது. ஆனால், அதன் கணக்குப் பெயரில் இது ஒரு வர்ணனைப் பக்கம் என தெளிவாகத் தெரியவில்லை.
வைரல் பதிவு:
பேஸ்புக் பயனர் 'காஜல் குமார்’ பிப்ரவரி 24 அன்று ஸ்கிரீன்ஷாட்டை (காப்பக இணைப்பு) பகிர்ந்து, "அவர் டெல்லியின் முதலமைச்சர், பாவம்" எனப் பதிவிட்டுள்ளார்.
ஸ்கிரீன்ஷாட்டின் சுயவிவரப் படத்தில் ரேகா குப்தாவின் படம் உள்ளது. அதில் இந்திய கிரிக்கெட் அணியின் படம் உள்ளது, மேலும் அதில், "பாகிஸ்தானின் வெற்றிக்காக கெஜ்ரிவால் வெடிக்க வைத்திருந்த பட்டாசுகள் வீணாகிவிட்டன " என்று எழுதப்பட்டுள்ளது.
உண்மை சரிபார்ப்பு:
வைரலான பதிவை விசாரிக்க, முதலில் ஸ்கிரீன்ஷாட்டில் கொடுக்கப்பட்டுள்ள ட்விட்டர் பக்கத்தில் தேடியதில், இந்தப் பதிவு (காப்பக இணைப்பு) பிப்ரவரி 23 அன்று ரேகா குப்தாவின் ட்விட்டர் கணக்கான @RekhaGuptaDelhi இலிருந்து பதிவிடப்பட்டுள்ளது. பல பயனர்கள் இது ரேகா குப்தாவின் கணக்கு என்று நினைத்து அதில் கருத்து தெரிவித்துள்ளனர்.
இதன் கணக்கு பெயர் ரேகா குப்தா, பயனர் பெயர் @RekhaGuptaDelhi. இந்தக் கணக்கு யாருக்கும் சொந்தமானது அல்ல என்று அதன் பையோவில் குறிப்பிடப்பட்டுள்ளது. இது டெல்லி முதலமைச்சர் ரேகா குப்தாவின் பெயரில் உள்ள ஒரு வர்ணனைப் பக்கம். இந்தக் கணக்கு டிசம்பர் 2023 இல் உருவாக்கப்பட்டது.
இருப்பினும், அதன் கணக்கு பெயரில் வர்ணனை பக்கத்தைப் பற்றி எதுவும் குறிப்பிடப்படவில்லை, இதன் காரணமாக பயனர்கள் அதை டெல்லி முதல்வரின் உண்மையான கணக்கு என்று கருதுகின்றனர்.
டெல்லி முதல்வர் ரேகா குப்தாவின் உண்மையான ட்விட்டர் கணக்கு ரேகா குப்தா @gupta_rekha. அதன் சுயசரிதையில், டெல்லி முதலமைச்சர் என குறிப்பிட்டுள்ளது. இந்த கணக்கு மார்ச் 2011 இல் உருவாக்கப்பட்டது.
https://twitter.com/gupta_rekha?ref_src=twsrc^tfw|twcamp^embeddedtimeline|twterm^screen-name:gupta_rekha|twcon^s2
பிப்ரவரி 23 அன்று பாகிஸ்தானை தோற்கடித்த இந்திய கிரிக்கெட் அணிக்கு இந்த கணக்கில் வாழ்த்து தெரிவிக்கப்பட்டுள்ளது.
இது தொடர்பாக, டைனிக் ஜாக்ரனின் டெல்லி தலைமை நிருபர் வி.கே.சுக்லாவை தொடர்பு கொண்டபோது, அவர் இந்தப் பதிவு ரேகா குப்தாவின் பெயரில் உள்ள போலி கணக்கிலிருந்து உருவாக்கப்பட்டது. அவரது ட்விட்டர் கணக்கின் பயனர்பெயர் @gupta_rekha எனவும் தெரிவித்தார்.
ட்விட்டர் உதவி மையத்தில் வர்ணனை அல்லது ரசிகர் அல்லது பகடி கணக்குகள் தொடர்பாக சில வழிகாட்டுதல்கள் வழங்கப்பட்டுள்ளன. அதன்படி, அந்த பகடி, வர்ணனை அல்லது ரசிகர் பக்கங்கள் தளத்தில் அனுமதிக்கப்படும், அவற்றின் நோக்கம் விவாதிப்பது, நையாண்டி செய்வது அல்லது தகவல்களைப் பகிர்வது. அவர்களின் பயோ மற்றும் கணக்கு பெயரில் அது ஒரு வர்ணனை, பகடி அல்லது ரசிகர் பக்கம் என்பது தெளிவாக இருக்க வேண்டும். சுயவிவரப் படத்தில் காட்டப்பட்டுள்ள படத்துடன் கணக்கு தொடர்புடையது அல்ல என்பதை பயோ மற்றும் கணக்குப் பெயர் தெளிவாகக் குறிக்க வேண்டும்.
போலி கணக்கிலிருந்து உருவாக்கப்பட்ட பதிவின் ஸ்கிரீன்ஷாட்டைப் பகிர்ந்த பேஸ்புக் பயனரின் சுயவிவரத்தை ஸ்கேன் செய்ததில், அந்தப் பயனருக்கு சுமார் 16 ஆயிரம் பின்தொடர்பவர்கள் உள்ளது தெரியவந்தது.
முடிவு:
ஐசிசி சாம்பியன்ஸ் டிராபியில் பாகிஸ்தானை இந்தியா வென்ற பிறகு, டெல்லி முதலமைச்சர் ரேகா குப்தாவின் பெயரில் ஒரு போலி கணக்கில் அரவிந்த் கெஜ்ரிவால் குறித்து பதிவிடப்பட்டுள்ளது. பயனர்கள் இது உண்மையான கணக்கிலிருந்து வந்த பதிவு என்று நினைத்து அதைப் பகிர்ந்து வருகின்றனர்.
Note : This story was originally published by ‘Vishvas News’ and Translated by ‘News7 Tamil’ as part of the Shakti Collective.