முன்னாள் பிரதமர் மன்மோகன் சிங்கின் இறுதிச் சடங்கில் காங்கிரஸ் தலைவர்கள் யாரும் கலந்து கொள்ளவில்லையா? - உண்மை என்ன?

This news Fact Checked by ’BOOM’

மன்மோகன் சிங்கின் இறுதிப் பயணத்தின் போது, ​​ராகுல் காந்தி உள்ளிட்ட காங்கிரஸ் தலைவர்கள் யாருமே கலந்து கொள்ளவில்லை என சமூக வலைதளங்களில் செய்தி வைரலானது. இது குறித்த உண்மைத் தன்மையை விரிவாக காணலாம்.

முன்னாள் பிரதமர் டாக்டர் மன்மோகன் சிங்கின் உடல் டெல்லியில் உள்ள நிகாம் போத்காட்டில் அரசு மரியாதையுடன் தகனம் செய்யப்பட்டது. முன்னதாக, அவரது உடல் காங்கிரஸ் தலைமை அலுவலகத்தில் இறுதி சடங்கிற்காக வைக்கப்பட்டது. இதற்கிடையில், மன்மோகன் சிங்கின் இறுதி பயணத்தில் காங்கிரஸ் தலைவர்கள் யாரும் கலந்து கொள்ளவில்லை என்று சமூக வலைதளங்களில் சிலர் கூறுகின்றனர்.

இந்த கூற்று தவறானது என்று BOOM கண்டறிந்துள்ளது.  காங்கிரஸ் தலைமையகத்தில் இருந்து நிகாம் போத் காட் வரை மன்மோகன் சிங்கின் கடைசி பயணத்தின் போது ராணுவ வாகனத்தில் ராகுல் காந்தி உடனிருந்தார். இதுதவிர மல்லிகார்ஜுன் கார்கே, சோனியா காந்தி, பிரியங்கா காந்தி உள்ளிட்ட காங்கிரஸ் தலைவர்கள் காட் வந்து இறுதி பயணத்தில் கலந்து கொண்டனர் என்பதை பூம் ஆதாரப்பூர்வமாக நிரூபித்துள்ளது.

X  தளத்தில் பதிவிட்ட, ஒரு வலதுசாரி அமைப்பைச் சார்ந்த பயனர்  'சோனியாவை விட்டுவிடுங்கள்., ஆனால் ராகுல் காந்தி மற்றும் பிரியங்கா காந்தி கூட மன்மோகன் சிங்கின் இறுதி ஊர்வலத்தில் கலந்து கொள்ளவில்லை. குடும்பத்தில் இல்லாத காங்கிரஸைச் சேர்ந்தவர்களுக்கு இதுதான் நடக்கும் .  சீக்கியர் மன்மோகன் சிங், பெங்காலி பிராமணர் பிரணாப் தா, ஓபிசி சீதாராம் கேசரி அல்லது தெலுங்கு பிவிஎன்ஆராக இருந்தாலும், அவர்கள் அவர்களை வேலைக்காரர்களாக மட்டுமே பார்க்கிறார்கள்.” என எழுதியிருந்தார்.

X இல் மன்மோகன் சிங்கின் இறுதி ஊர்வல  வீடியோவைப் பகிர்ந்த ​​ஒரு பயனர் இவ்வாறு எழுதினார், 'பாதுகாவலர்களைத் தவிர, மன்மோகன் சிங்கின் கடைசி பயணத்தில் வேறு யாரும் காணப்பட மாட்டார்கள். ஒரு காங்கிரஸார் கூட வரவில்லை, காங்கிரசுக்கு போலி காந்திகள் மீதுதான் ஆர்வம்.” என குறிப்பிட்டிருந்தார்.

உண்மை சரிபார்ப்பு : 

முன்னாள் பிரதமர் டாக்டர் மன்மோகன் சிங்கின் உடல் 28 டிசம்பர் 2024 அன்று டெல்லியில் உள்ள நிகம்போத் காட்டில் அரசு மரியாதையுடன் தகனம் செய்யப்பட்டது .  இந்த் நிகழ்வில்  ​​பிரதமர் நரேந்திர மோடி, உள்துறை அமைச்சர் அமித் ஷா, பாதுகாப்புத்துறை அமைச்சர் ராஜ்நாத் சிங் உள்ளிட்ட பல தலைவர்கள் காட் வந்து அவருக்கு அஞ்சலி செலுத்தினர். பஞ்சதத்வாவில் இணைவதற்கு முன், அவரது உடல் காங்கிரஸ் தலைமையகத்திற்கு இறுதி தரிசனத்திற்காக கொண்டு வரப்பட்டது . இங்கிருந்து அவரது கடைசி பயணம் நிகம்போத் காட் சென்றடைந்தது.

செய்தி அறிக்கையின்படி, காங்கிரஸ் தலைவர்கள் ராகுல் காந்தி மற்றும் ரேவந்த் ரெட்டி ஆகியோரும் மன்மோகன் சிங்கின் கடைசி இறுதி ஊர்வலத்தில் கட்சியின் தலைமையகத்திலிருந்து நிகாம் போத்காட் வரை காரில் சென்றனர். சோனியா காந்தி, பிரியங்கா காந்தி ஆகியோரும் வாகனப் பேரணியில் இருந்தனர் . 'மன்மோகன் சிங்கின் இறுதிப் பயணத்தில் ராகுல் காந்தி கலந்து கொண்டார்' என்ற தலைப்பில் ஆஜ் தக்கின் யூடியூப் சேனலில் இது தொடர்பான ஒரு சிறு வீடியோவையும் கண்டோம் .

இது தவிர, முன்னாள் பிரதமர் மன்மோகன் சிங்கின் இறுதிப் பயணத்தில் எதிர்க்கட்சித் தலைவர் ராகுல் காந்தியும், தெலுங்கானா முதல்வர் ரேவந்த் ரெட்டியும் பங்கேற்றதாக டெக்கான் க்ரோனிக்கிள் பதிவில் குறிப்பிடப்பட்டிருந்தது.

அப்போது ஏராளமான காங்கிரஸ் தொண்டர்கள் நடந்தே இறுதி ஊர்வலத்தில் கலந்து கொண்டனர். அதே நேரத்தில் காங்கிரஸ் தலைவர் மல்லிகார்ஜுன் கார்கே, சோனியா காந்தி மற்றும் பிரியங்கா காந்தி மற்றும் பிற காங்கிரஸ் தலைவர்கள் நிகம்போத் காட் சென்று மன்மோகன் சிங்கிடம் கடைசியாக பிரியாவிடை பெற்றனர். காங்கிரஸ் தனது X தளத்தில்  இருந்து இது தொடர்பான படங்களைப் பகிர்ந்துள்ளது.

Congress leader and Leader of Opposition Rahul Gandhi and Telangana Chief Minister A. Revanth Reddy participated in the funeral procession of former Prime Minister Dr.Manmohan Singh in New Delhi.#ManMohanSinghJi #funeralprocession pic.twitter.com/5NeolNfRtv

— Deccan Chronicle (@DeccanChronicle) December 28, 2024

இது தவிர, செய்தி நிறுவனமான ANI இன் வீடியோவில் , ராகுல் காந்தி நிகம்போத் காட் மீது அஞ்சலி செலுத்துவதைக் காணலாம்.

ANI இன் மற்றொரு வீடியோவில், மன்மோகன் சிங்கின் மனைவி குர்சரண் கவுர் மற்றும் அவரது மகள் தமன் சிங், சோனியா காந்தி, மல்லிகார்ஜுன் கார்கே, ராகுல் காந்தி, பிரியங்கா காந்தி வத்ரா ஆகியோர் நிகாம் போத் காட்டில் நடந்த இறுதிச் சடங்கில் கலந்து கொண்டனர்.

कांग्रेस अध्यक्ष श्री @kharge, CPP चेयरपर्सन श्रीमती सोनिया गांधी जी, नेता विपक्ष श्री @RahulGandhi और कांग्रेस महासचिव श्रीमती @priyankagandhi जी ने पूर्व प्रधानमंत्री डॉ. मनमोहन सिंह जी को निगम बोध घाट पर श्रद्धांजलि दी।

📍 नई दिल्ली pic.twitter.com/zxKR7H40u3

— Congress (@INCIndia) December 28, 2024

இறுதிச் சடங்குகளின் போது, ​​ராகுல் காந்தியும் மன்மோகன் சிங்கின் அஸ்தியை தோளில் சுமந்தபடி காணப்பட்டனர். மன்மோகன் சிங்கின் கடைசி பிரியாவிடையின் முழு நிகழ்ச்சியையும் காங்கிரஸின் அதிகாரப்பூர்வ யூடியூப் சேனலில் பார்க்கலாம் .

முடிவு :

மன்மோகன் சிங்கின் இறுதிப் பயணத்தின் போது, ​​ராகுல் காந்தி உள்ளிட்ட காங்கிரஸ் தலைவர்கள் யாருமே கலந்து கொள்ளவில்லை என சமூக வலைதளங்களில் செய்தி வைரலானது. இதனை ஆய்வு செய்த பூம் காங்கிரஸ் தலைவர் மல்லிகார்ஜுன் கார்கே, சோனியா காந்தி, ராகுல் காந்தி, பிரியங்கா காந்தி உள்ளிட்ட ஏராளமான காங்கிரஸ் தலைவர்கள் நிகாம் போத்காட்டில் அவரது இறுதி நிகழ்வில் கலந்து கொண்டு அஞ்சலி செலுத்தினர் என கண்டறிந்துள்ளது.

Note : This story was originally published by ’BOOM’ and Translated by ‘News7 Tamil’ as part of the Shakti Collective.