நடிகர் டெல்லி கணேஷ் மறைவு - பிரதமர் நரேந்திர மோடி இரங்கல்!

நடிகர் டெல்லி கணேஷ் மறைவிற்கு பிரதமர் நரேந்திர மோடி தனது இரங்கலை தெரிவித்துள்ளார்.

தமிழ் சினிமாவில் பல்வேறு கதாப்பாத்திரங்களில் நடித்துள்ள டெல்லி கணேஷ் கே. பாலச்சந்திரன் பட்டின பிரவேசம் என்ற திரைப்படத்தின் மூலம் சினிமாவில் அறிமுகமானார். இந்திய விமானப்படையில் பணியாற்றியவர். நடிப்பின் மீது ஏற்பட்ட ஆர்வம் காரணமாக பணியை துறந்தார்.

பழம்பெரும் நடிகர் டெல்லி கணேஷ் ராமாவரத்தில் உள்ள தனது இல்லத்தில் இன்று உடல் நலக் குறைவு காரணமாக காலமானார். திரைத்துறை, சின்னத்திரை என பல பரிமாணங்களில் மக்களை மகிழ்வித்த இவரது இழப்பை தாங்கமுடியாத திரையுலக பிரபலங்கள் இவருக்கு அஞ்சலி செலுத்தி வருகின்றனர்.

இதையும் படியுங்கள் : நடிகை கஸ்தூரி தலைமறைவு? - தீவிரமாக தேடும் தனிப்படைக் காவல்துறையினர்!

திரை பிரபலங்கள் மட்டுமின்றி, அரசியல் கட்சி தலைவர்களும் டெல்லி கணேஷ் மறைவிற்கு நேரில் சென்று அவரது உடலுக்கு அஞ்சலி செலுத்தியும், சமூக வலைத்தளங்கள் வாயிலாக இரங்கல் தெரிவித்தும் வருகின்றனர். இந்நிலையில் பிரதமர் நரேந்திர மோடி தனது இரங்கலை தெரிவித்துள்ளார்.

இது தொடர்பாக அவர் வெளியிட்டுள்ள எக்ஸ் தள பதிவில் தெரிவித்திருப்பதாவது :

" புகழ்பெற்ற திரைப்பட ஆளுமை டெல்லி கணேஷ் மறைந்த செய்தி வருத்தமளிக்கிறது. நடிப்புத் திறமையால் ஆசீர்வதிக்கப்பட்ட அவர், தனது கதாபாத்திரங்கள் மூலம் தலைமுறைகள் கடந்தும் நினைவுகூரப்படுவார். அவரை இழந்து வாடும் குடும்பத்தினருக்கும் ரசிகர்களுக்கும் எனது ஆழ்ந்த இரங்கல்களைத் தெரிவித்துக் கொள்கிறேன்"

இவ்வாறு அவர் பதிவிட்டுள்ளார்.