திசை மாறிய மிக்ஜாம் புயல்: டிச.5-ல் நெல்லூர் - மச்சிலிப்பட்டினம் இடையே கரையை கடக்கும் என தகவல்!

டிசம்பர் 5 ஆம் தேதி முற்பகலில் நெல்லூர் மற்றும் மச்சிலிப்பட்டினம் இடையே மிக்ஜாம் ஒரு சூறாவளி புயலாக தெற்கு ஆந்திராவை கடக்கும் என வானிலை மையம் அறிவித்துள்ளது.

தென்கிழக்கு மற்றும் அதை ஒட்டிய தென்மேற்கு வங்கக் கடலில் உருவாகியுள்ள ‘மிக்ஜாம்’ புயல் டிசம்பர் 4ம் தேதி சென்னை - மசூலிப்பட்டினம் இடையே கரையை கடக்கும் என வானிலை மையம் ஏற்கனவே அறிவித்த நிலையில், டிச. 5 -ம் தேதி ஆந்திரப் பிரதேச மாநிலம் நெல்லூர் - மசூலிப்பட்டினம் இடையே புயல் கரையை கடக்கும் என இந்திய வானிலை ஆய்வு மையம் அறிவித்துள்ளது.

தென்கிழக்கு மற்றும் அதை ஒட்டிய தென்மேற்கு வங்கக் கடலில் கடந்த 6 மணி நேரத்தில் மணிக்கு 13 கிமீ வேகத்தில் காற்றழுத்த தாழ்வு மண்டலமானது மேற்கு-வடமேற்கு நோக்கி நகர்ந்து,  இன்று,  காலை 11 மணி அளவில் புதுச்சேரிக்கு கிழக்கு-தென்கிழக்கே சுமார் 730 கி.மீ., சென்னைக்கு கிழக்கு-தென்கிழக்கே 740 கி.மீ., நெல்லூருக்கு தென்கிழக்கே 860 கி.மீ., பாபட்லாவிலிருந்து தென்கிழக்கே 930 கி.மீ., மச்சிலிப்பட்டினத்திலிருந்து தென்கிழக்கே 910 கி.மீ.  என நிலை கொண்டிருந்தது.

இது மேற்கு-வடமேற்கு நோக்கி நகர்ந்து,  டிசம்பர் 2-ம் தேதி ஆழ்ந்த காற்றழுத்த தாழ்வு மண்டலமாகவும்,  மேலும் டிசம்பர் 3-ஆம் தேதி தென்மேற்கு வங்கக்கடலில் ஒரு சூறாவளி புயலாக வலுப்பெறவும் வாய்ப்புள்ளது.

அதன்பிறகு,  இது வடமேற்கு திசையில் நகர்ந்து தெற்கு ஆந்திரப் பிரதேசம் மற்றும் அதை ஒட்டிய வட தமிழகக் கரையோரப் பகுதிகளை டிசம்பர் 4-ஆம் தேதி முன் தினம் வந்து சேரும்.

அதன்பின்னர் இது கிட்டத்தட்ட தெற்கு ஆந்திரப் பிரதேச கடற்கரைக்கு இணையாக வடக்கு நோக்கி நகர்ந்து,  டிசம்பர் 5 ஆம் தேதி முற்பகல் நெல்லூர் மற்றும் மச்சிலிப்பட்டினம் இடையே ஒரு சூறாவளி புயலாக தெற்கு ஆந்திராவை கடக்கும்,  மணிக்கு 80-90 கிமீ வேகத்தில் மணிக்கு 100 கிமீ வேகத்தில் காற்று வீசும் என வானிலை ஆய்வு மையம் தெரிவித்துள்ளது.