சிபிஎஸ்இ பொதுத் தேர்வு நாளை தொடக்கம்!

சிபிஎஸ்இ 10 மற்றும் 12 ஆம் வகுப்பு மாணவர்களுக்கான பொதுத் தேர்வு நாளை தொடங்குகிறது.

சிபிஎஸ்இ 10, 12ஆம் வகுப்புப் பொதுத் தேர்வு நாளை (பிப்.15) தொடங்குகிறது.  10-ம் வகுப்பு மாணவர்களுக்கு நாளை தொடங்க இருக்கிற தேர்வு மார்ச் 13-ம் தேதி நிறைவடைகிறது.  அதேபோல் 12-ம் வகுப்பு மாணவர்களுக்கு ஏப்ரல் 2-ம் தேதி நிறைவடைகிறது.

இந்த தேர்வினை 36 லட்சத்திற்கும் மேற்பட்ட மாணவ, மாணவிகள் எழுத உள்ளனர்.  இந்த தேர்விற்காக நாடு முழுவதும் 877 தேர்வு மையங்கள் அமைக்கப்பட்டுள்ளன.  இந்த தேர்வு காலை 10:30 மணிக்கு தொடங்கி மதியம் 1. 30 மணிக்கு நிறைவடையும்.

குறிப்பாக டெல்லி பகுதியில் விவசாயிகள் போராட்டம் நடைபெற்று வருவதால், டெல்லியை சுற்றி இருக்கும் மாணவர்கள் மட்டும் காலை 10 மணிக்குள்ளாகவே தேர்வு மையங்களுக்குள் இருக்க வேண்டும் என அறிவுறுத்தப்பட்டுள்ளதாக தகவல் வெளியாகியுள்ளது.