நடனமாடி மக்களை உற்சாகப்படுத்தி வாக்கு சேகரித்த அசாம் முதல்வர் ஹிமந்த பிஸ்வா சர்மா!

அசாமின் ஜோர்ஹாட்டில் உள்ள திடாபோர் போகாஹோலா பாகிசாவில் நடைபெற்ற தேர்தல் பரப்புரையின் போது அசாம் முதல்வர் ஹிமந்த பிஸ்வா சர்மா மேடையில் நடனமாடி மக்களை உற்சாகப்படுத்தினார்.

ஜோர்ஹாட் நாடாளுமன்றத் தொகுதியின் பாஜக வேட்பாளர் தோபோன் குமார் கேகோயை ஆதரித்து பிரசாரக் கூட்டம் நடைபெற்றது. முதல்வர் சர்மா பிரபலமான ஜுமுர் பாடலுக்கு உற்சாகமாக கைதட்டி நடனமாடினார்.

அசாமில் உள்ள 14 மக்களவைத் தொகுதிகளுக்கு ஏப்ரல் 19, ஏப்ரல் 26 மற்றும் மே 7 ஆகிய தேதிகளில் மூன்று கட்டங்களாகத் தேர்தல் நடைபெறுகிறது. இந்நிலையில் தேர்தல் பரப்புரை சூடுபிடித்துள்ளது.