கார்த்தியை ‘பருத்திவீரன்’ போன்று ஒரு படம் நடிக்க சொல்லுங்கள்.. சினிமாவை விட்டே போகிறேன்” - நடிகர் ‘கஞ்சா கருப்பு’ ஆவேசம்!

இதனைத் தொடர்ந்து பருத்தி வீரன் திரைப்படம் உருவாக பண உதவியளித்த இயக்குநர் சசிகுமாரும் அமீருக்கு ஆதரவாக குரல் கொடுத்தார்.  இதனைத் தொடர்ந்து இயக்குநரும் நடிகருமான சமுத்திரக்கனி, இயக்குநர் பாரதிராஜா, கரு.பழனியப்பன், கவிஞர் சினேகன், சேரன் உள்ளிட்டோர் அமீருக்கு ஆதரவாக  குரல் கொடுத்தனர். ஆனால் நடிகர் சூர்யா, கார்த்தி உள்ளிட்ட படம் வெளியான நேரத்தில் அமீரின் உடன் இருந்தவர்கள் சிலர் அவருக்கு ஆதரவாக எதுவும் கூறவில்லை என சமூகவலைதளங்களில் பகிரப்பட்டு வந்தது.

இந்நிலையில் அப்படத்தில் டக்ளஸ் கதாபாத்திரத்தில் நடித்த கஞ்சா கருப்பு சமீபத்தில் ஒரு நேர்காணலில் நடந்த சம்பவம் தொடர்பாக பேசியுள்ளார். அதில், “தமிழ்நாட்டில் கார்த்தியை யாருக்கு தெரியும்.  அமீர் என்பவர் படம் பண்ணியதால் தான் அவரை எல்லாருக்கும் தெரியும். 30 நாட்கள் வெயிலிலும், மழையிலும் நிற்க வைத்து அந்த கதாபாத்திரத்தை உருவாக்கியவர் அமீர் தான்.  பருத்திவீரன் படத்தில் இடம் பெற்ற அத்தனை கேரக்டர்களும் ஞானவேல்ராஜாவை நம்பி வந்தவர்கள் அல்ல. அமீருக்காக தான் வந்தார்கள்.

பருத்திவீரன் படத்தால் எந்த வகையில் நஷ்டம் என சொல்கிறீர்கள்? அமீரின் நண்பர்கள், தெரிந்தவர்கள் தான் பணம் கொடுத்து உதவினார்கள். படம் எடுத்தவர்கள் என்னால் படம் பண்ண முடியவில்லை,  தப்பாக எடுத்துக்கொள்ள வேண்டாம் என கூறிவிட்டு சென்றிருக்கலாமே. ஏன் செய்யவில்லை?. அமீர் எப்படி பொய் கணக்கு காட்டப் போகிறார். ரம்ஜான் நோன்பு காலத்தில் கூட படப்பிடிப்பில் தான் இருந்தார். ஒரு இஸ்லாமியர் எப்படி பொய் சொல்வார். சிவகுமார் அமீரிடம் கார்த்தியை ஒப்படைத்தது உண்மை தான்.