"அமரன் படத்தின் கமாண்டிங் ஆபீசர்" - கமல்ஹாசனுக்கு நடிகர் சிவகார்த்திகேயன் பிறந்தநாள் வாழ்த்து!

நடிகர் சிவகார்த்திகேயன் தனது சமூக வலைதள பக்கத்தில் நடிகர் கமல்ஹாசனுக்கு பிறந்தநாள் வாழ்த்து தெரிவித்துள்ளார்.

நடிகர், இயக்குநர், தயாரிப்பாளர், திரைக்கதை எழுத்தாளர், நடன இயக்குனர், பின்னணி பாடகர், பாடலாசிரியர், தொலைக்காட்சி தொகுப்பாளர், சமூக ஆர்வலர் மற்றும் அரசியல்வாதி என பல அவதாரங்களை பெற்றுள்ள கமல்ஹாசன் இன்று தனது 70-வது பிறந்தநாளை கொண்டாடுகிறார்.

1960 ஆம் ஆண்டு தமிழ்த் திரைப்படமான களத்தூர் கண்ணம்மாவில் குழந்தை நட்சத்திரமாக தனது திரையுலக வாழ்வை தொடங்கிய கமல்ஹாசன், நான்கு தேசிய திரைப்பட விருதுகள் , ஒன்பது தமிழ்நாடு மாநில திரைப்பட விருதுகள் , நான்கு நந்தி விருதுகள் , ஒரு ராஷ்டிரபதி விருது, இரண்டு பிலிம்பேர் விருதுகள் மற்றும் பதினெட்டு பிலிம்பேர் விருதுகள் உள்ளிட்ட பல்வேறு விருதுகளை பெற்றுள்ளார். 1984 இல் கலைமாமணி விருது , 1990 இல் பத்மஸ்ரீ , 2014 இல் பத்ம பூஷன் மற்றும் 2016 இல் ஆர்டர் ஆஃப் ஆர்ட்ஸ் அண்ட் லெட்டர்ஸ் (செவாலியே ) விருது ஆகியவற்றையும் வென்றுள்ளார்.

இதையும் படியுங்கள் : “அப்டேட்டில் இல்லாத தலைவராக இருக்கிறார் சீமான்” – அமைச்சர் மா. சுப்பிரமணியம் பேட்டி!

இந்நிலையில் கமல்ஹாசனுக்கு அரசியல் தலைவர்கள், திரைப்பிரபலங்கள் உள்ளிட்டோர் தங்களது வாழ்த்துகளை தெரிவித்து வருகின்றனர். அந்த வகையில் தற்போது நடிகர் சிவகார்த்திகேயன் தனது எக்ஸ் தளபக்கத்தில் வாழ்த்துகளை தெரிவித்துள்ளார். இதில், 'அமரன்’ திரைப்படத்தின் படப்பிடிப்புத்தள புகைப்படத்தைப் பகிர்ந்து நடிகர் கமல்ஹாசனுக்கு நடிகர் சிவகார்த்திகேயன் பிறந்தநாள் வாழ்த்து தெரிவித்தார். இதில்,

"அமரன் திரைப்படத்தின் கமாண்டிங் ஆபீசர் ஹாசனுக்கு பிறந்தநாள் வாழ்த்துகள். சிறப்பான திரைப்படத்தை கொடுத்ததற்கும் நன்றி" என பதிவிட்டிருந்தார்.