கும்பமேளா புகழ் மோனாலிசாவின் படப்பிடிப்பு காட்சிகள் என வைரலாகும் வீடியோ - உண்மை என்ன?
This News Fact Checked by ‘AajTak’
சில ஆண்கள் தங்கள் கைகளில் குச்சிகள் , கத்திகள் மற்றும் வாள்களுடன் ஒரு பெண்ணைத் தாக்கும் வீடியோ சமூக ஊடகங்களில் வைரலாகி வருகிறது. அந்தப் பெண், இளஞ்சிவப்பு நிற உடை அணிந்திருந்து, தனது துப்பட்டாவை இடுப்பில் இறுக்கமாகக் கட்டுகிறார். பின்னர் அந்தப் பெண் குண்டர்களை தாக்குகி, உதைத்து அவர்களை எதிர்கொள்கிறாள்.
இவர் வேறு யாருமல்ல, மகா கும்பமேளாவில் பாசி மாலைகள் விற்க வந்த மோனாலிசா, இயக்குனர் சனோஜ் மிஸ்ராவின் 'தி டைரி ஆஃப் மணிப்பூர்' என்ற படத்தில் பணி புரிகிறார். இந்த காணொளி மோனலிசாவினுடையது என்று கூறி பல செய்திகள் பரவி வருகின்றன.
இந்த வீடியோவை ஃபேஸ்புக்கில் பகிர்ந்த ஒருவர், "பிரயாக்ராஜ் மகா கும்பமேளாவில் மாலைகளை விற்று வைரலான மோனலிசா, இப்போது படங்களில் நடித்து வருகிறார். அவர் குண்டர்களை அடித்து துவம்சம் செய்யும் விதமாக நடிக்கும் வருகிறார் " என்று எழுதினார்.
ஆஜ் தக் உண்மைச் சரிபார்ப்பில் இந்த காணொலி மோனாலிசாவினுடையது அல்ல, மாறாக 'யே ஹை சாஹதேன்' தொடரின் படப்பிடிப்பில் இருந்த நடிகை ஷகுன் சர்மாவினுடையது என்று கண்டறியப்பட்டது.
உண்மையை எப்படிக் கண்டுபிடித்தோம்? :
காணொலியின் முக்கிய பிரேம்களைத் உற்றுநோக்கியபோது ஜனவரி 25, 2025 தேதியிட்ட இன்ஸ்டாகிராம் பதிவில் அந்தக் காணொலியைக் கண்டோம்
இன்னும் கொஞ்சம் தேடிய பிறகு, இந்த படப்பிடிப்பின் மேலும் சில வீடியோக்களைக் கண்டோம். இந்தப் பெண் குண்டர்களை அடிக்கும் வீடியோக்கள் 2024 மற்றும் 2023 ஆம் ஆண்டுகளில் பதிவேற்றப்பட்டன.
அதேபோல ஜனவரியில் மோனாலிசாவுக்கு நடிக்க ஒரு படம் கிடைத்ததாக செய்திகள் சமீபத்தில் வெளியாகின. ஜனவரி 22 ஆம் தேதி சனோஜ் மிஸ்ரா முதன்முறையாக மோனலிசாவைப் பற்றி பதிவிட்டிருந்தார். எனவே இந்த படப்பிடிப்பு காணொலி மோனலிசா படம் எடுப்பதற்கு முன்பே எடுக்கப்பட்டது என்பது இங்கே தெளிவாகிறது.
இந்தப் பெண் யாரை தாக்குகிறார்?
ஃப்ரேமிங் தாட்ஸ் என்டர்டெயின்மென்ட்' என்ற யூடியூப் சேனலில் சுமார் 4 நிமிடங்கள் கொண்ட ஒரு காணொலியைக் கண்டோம் இதில், இளஞ்சிவப்பு நிற உடையில் இருக்கும் இந்தப் பெண் பலருடன் அடித்து உதைக்கும் காட்சியை படமாக்குவதைக் காணலாம். இந்த காணொலியின் டிஸ்கிரிப்ஷனில் இந்த காணொலி 'யே ஹை சாஹதீன் நிகழ்ச்சியின் பின்னணியில் இருந்து எடுக்கப்பட்டது என்று குறிப்பிடப்பட்டுள்ளது.
'யே ஹை சாஹதீன்' தொடர் 2019 ஆம் ஆண்டு தொலைக்காட்சியில் தொடங்கியது. இதன் கடைசி எபிசோட் செப்டம்பர் 2024 இல் வந்தது. 'ஸ்டார் பிளஸ்' மற்றும் 'ஜியோ ஹாட்ஸ்டார்' ஆகியவற்றில் ஒளிபரப்பாகும் இந்த நிகழ்ச்சியில் சர்குன் கவுர் லுத்ரா மற்றும் ஷகுன் சர்மா போன்ற பிரபல நடிகர்கள் பணியாற்றியுள்ளனர்.
நடிகை ஷகுன் சர்மாவின் இன்ஸ்டாகிராம் கணக்கில் டிசம்பர் 1. 2023 தேதியிட்ட ஒரு பதிவைக் கண்டோம் இதில், வைரல் வீடியோவில் உள்ள பெண் அணிந்திருந்த அதே இளஞ்சிவப்பு நிற சூட் மற்றும் அச்சிடப்பட்ட துப்பட்டாவை ஷகுன் அணிந்துள்ளார்.
இதற்குப் பிறகு இந்த நிகழ்ச்சியின் நிர்வாக தயாரிப்பாளர் ரஞ்சன் ஜெனாவிடம் பேசினோம். வைரலாகும் காணொலி 'யே ஹை சாஹதேன்' தொடரின் திரைக்குப் பின்னால் இருந்து எடுக்கப்பட்டது என்றும், அதில் ஆக்ஷன் செய்யும் பெண் ஷகுன் சர்மா என்றும் அவர் எங்களிடம் உறுதிப்படுத்தினார். ஒரு சீரியலின் படப்பிடிப்பின் பழைய காணொலி மோனாலிசாவினுடையது என்று கூறி குழப்பம் பரப்பப்படுகிறது என்பது தெளிவாகிறது.
Note : This story was originally published by ‘AajTak’ and Translated by ‘News7 Tamil’ as part of the Shakti Collective.
