இந்த ஆண்டின் 2 வாரங்களில் வேலையை இழந்த 7,785 ஊழியர்கள்!

கடந்த 2023-ம் ஆண்டில் கூகுள் நிறுவனம் அதன் உலகளாவிய பணியாளர்களில் 12,000 பேரை, அதாவது 6% பேரை வேலையை விட்டு அனுப்பும் கடினமான முடிவை எடுத்தது. இந்த பணிநீக்க நடைமுறைகள் நிறுவனத்திற்கு அத்தியாவசியமானது என்று அதன் சிஇஓ சுந்தர் பிச்சை விளக்கி இருந்தார்.

இந்நிலையில், பெரும் தொழில்நுட்ப நிறுவனங்கள், இந்த ஜனவரியின் முதல் இரு வாரங்களில் மட்டும் நூற்றுக்கணக்கான ஊழியர்களை பணிநீக்கம் செய்துள்ளன. ஜனவரி மாதத்தின் முதல் பாதியில் மட்டும் இதுவரை 7785 ஊழியர்களை பணி நீக்கம் செய்துள்ளன. நிறுவனங்களின் பணி நீக்க நடவடிக்கைகளை ஆராயும் Layoffs.fyi என்ற கண்காணிப்பு இணையதளத்தின் தரவுகளின்படி, இந்த கூற்றுகள் கிடைத்துள்ளன. 

அமேசான் நிறுவனம் கடந்த வாரம் தனது ஸ்ட்ரீமிங் மற்றும் ஸ்டுடியோ செயல்பாடுகளில் பணியாற்றும் நூற்றுக்கணக்கான ஊழியர்களை பணிநீக்கம் செய்தது. அமேசான் மற்றும் கூகுள் இரண்டும் செயற்கை நுண்ணறிவு பந்தயத்தில் மைக்ரோசாப்ட் நிறுவனத்துடன் நேரடியாகப் போட்டியிடுகின்றன. இந்த போட்டியில், செயற்கை நுண்ணறிவு கையில் பணியை ஒப்படைத்துவிட்டு, ஆயிரக்கணக்கான ஊழியர்களை பணிநீக்கம் செய்தும் வருகின்றன.