4வது நாளை கடந்த உண்ணா விரத போராட்டம் - டெல்லி அமைச்சர் அதிஷிக்கு திடீர் உடல்நலக்குறைவு ஏற்பட்டு மருத்துவமனையில் அனுமதி!

மேலும், டெல்லிக்கு உரிய தண்ணீரை விடுவிக்காத ஹரியானா மாநில பாஜக அரசை கண்டித்து, தெற்கு டெல்லியில் உள்ள போகலில் 'ஜல் சத்தியாகிரகம்' என்ற பெயரில் காலவரையற்ற உண்ணாவிரதப் போராட்டத்தை அமைச்சர் அதிஷி கடந்த 21ம் தேதி துவக்கினார். 28 லட்சம் மக்களுக்கான தண்ணீரை ஹரியானா அரசு விடுவிக்கும் வரை தான் எதுவும் உண்ணமாட்டேன் என தெரிவித்த அமைச்சர் அதிஷி, 4வது நாளாக நேற்றும் போராட்டத்தை தொடர்ந்தார்.

இந்த நிலையில் தொடர்ச்சியாக உண்ணாவிரதம் இருந்த அமைச்சர் அதிஷிக்கு திடீர் உடல்நலக்குறைவு ஏற்பட்டது. இதனைத் தொடர்ந்து சிகிச்சைக்காக  எல்என்ஜேபி மருத்துவமனைக்கு கொண்டு செல்லப்பட்டார். இது தொடர்பாக கூறிய ஆம் ஆத்மி எம்பி சஞ்சய் சிங் கூறியதாவது..

“ டெல்லி அமைச்சர் அதிஷி 4நாட்களாக எதுவும் சாப்பிடவில்லை. இதனால் அவரது ரத்தத்தில் சர்க்கரை அளவு 43 ஆக குறைந்தது. அவரது உடல்நிலை மோசமடைவதற்குள் மருத்துவமனையில் அனுமதிக்குமாறு மருத்துவர்கள் பரிந்துரைத்தனர். இதனைத் தொடர்ந்து அவர் எல்என்ஜேபி மருத்துவமனையில் அனுமதிக்கப்பட்டுள்ளார். அவர் தனக்காக போராடவில்லை, டெல்லி மக்களுக்காக, டெல்லியின் தண்ணீர் தேவைக்காக போராடுகிறார்” என தெரிவித்தார்.