20 ஆண்டுகளுக்கு பிறகு விஜய்க்கு இசையமைக்கும் யுவன்... 'GOAT' படத்தின் முதல் பாடல் நாளை வெளியீடு...
விஜய் நடிப்பில் வெங்கட் பிரபு இயக்கத்தில் உருவாகி வரும் ‘GOAT' படத்தின் முதல் சிங்கிள் குறித்தான அறிவிப்பு வெளியாகியுள்ளது. கலர் பேக்ரவுண்டில் அசத்தல் போஸ்டருடன் இந்த அறிவிப்பு வெளியாகியுள்ளது.
வெங்கட் பிரபு இயக்கத்தில் உருவாகி வரும் இந்த படத்தில் நடிகர் விஜய் இரட்டை வேடத்தில் நடிக்கிறார். நடிகர் விஜய்க்கு இது 68-வது படம் ஆகும். தி கோட் படத்தின் மூலம் நடிகர் விஜய் மற்றும் வெங்கட்பிரபு முதன்முறையாக இணைந்துள்ளனர். இந்த படத்தின் பர்ஸ்ட் லுக் போஸ்டர் கடந்த டிசம்பர் மாதம் வெளியானது. படம் வரும் விநாயகர் சதுர்த்திக்கு வெளியாகும் என அறிவிக்கப்பட்டுள்ளது.
அந்த போஸ்டர் ரசிகர்கள் மத்தியில் வரவேற்பை பெற்றது. இத்திரைப்படத்தின் இறுதிக்கட்ட படப்பிடிப்பு மாஸ்கோவில் படமாக்கப்பட்டு வருகிறது. படத்தின் இறுதிக்கட்ட படப்பிடிப்பு விரைவில் அங்கு முடிவடையவுள்ளதாகவும் கூறப்படுகிறது. இதனிடையே இயக்குநர் வெங்கட் பிரபு தனது எக்ஸ் தளத்தில் “நாளை சம்பவம் உறுதி ”என்று பதிவிட்டுள்ளார்.
இந்நிலையில், படத்தில் இருந்து முதல் பாடலுக்கான அப்டேட்டை படக்குழு கொடுத்துள்ளது. ’யுவன் ஷங்கர் ராஜா இசையில் வெளியாகும் முதல் பாடலுக்கு 'ஆர் யூ ரெடி’ என ரசிகர்களை உற்சாகப்படுத்தியுள்ளது படக்குழு. இதைப்பார்த்த ரசிகர்கள் நாளை தமிழ் புத்தாண்டுக்கு முதல் பாடல் வெளியாகிறதா அல்லது எப்போது என்ற அறிவிப்பு வர இருக்கிறதா எனக் கேள்வி எழுப்பி வருகின்றனர்.
Are u Ready??? #GoatFirstSingle #TheGreatestofAllTime pic.twitter.com/46VO0ccEsu
— Archana Kalpathi (@archanakalpathi) April 13, 2024
'புதிய கீதை’ படத்திற்குப் பிறகு கிட்டத்தட்ட 20 ஆண்டுகள் கழித்து விஜய் படத்திற்கு இசையமைக்கிறார் யுவன். மீனாட்சி செளத்ரி, லைலா, மோகன், பிரபுதேவா, பிரஷாந்த் உள்ளிட்டப் பலர் இதில் நடிக்கின்றனர். நடிகை த்ரிஷாவும் இந்தப் படத்தில் பாடல் ஒன்றிற்கு நடனமாடியுள்ளார் என சொல்லப்படுகிறது. அந்தப் பாடல்தான் நாளை வெளியாகுமா எனவும் ரசிகர்கள் எதிர்பார்த்துள்ளனர்.
